Accessibility links

җомга, 9 декабрь 2016, Казан вакыты 04:58

Tatarstan-Rusiä Şartnamäse: sez närsä uylıysız?


- Tatarstan belän Rusiä arasındağı wäkälätlärne büleşü turındağı Şartnamäne qabul itügä min uñay qarıym. Bez RF saqlıybız, bez ürnäk başqalarğa. Bu şartnamä Federatsiägä yöz salu bulıp tora. Bezneñ öçen genä tügel, iñ elek Rusiä öçen kiräk , böten il öçen kiräk. Rusiä çınnan da bik böyek il, anıñ äle dä territoriäse genä dä 17 million, ille meñ kvadrat km, 145 million xalqı bar. Min xuplıym bu Şartnamäne . Bez östenlek soramıybız. Älbättä, artqa çigenülär bar , nişliseñ dönya şunnan ğibärät. - Şartnamä turında fikerem uñay. Çönki andağı kürsätelgän matdälär- Tatarstan prezidentınıñ ike däwlät telen , yäğni rusça häm tatarça belü mäs’äläse, pasportqa tatarça yazıluı, öçençe matdä- ekologiä mäs’äläse buyınça. Säyäsi yaqtan küp närsä birmi, läkin prestij yağınnan möhim. RF bezne ayırım ber däwlät bularaq tanımasa da, ayırım ber rolebezne kürä. - Minem uñay qaraş , läkin elekke şartnamädän anda küp närsä qalmadı. Bigräk tä säyäsi mäs'älälär yağınnan, anda üzgäreşlär yuq, diärgä bula. İqtisat mäs’äläläre genä qaldı. Şulay da bezneñ respublikanı Rusiäneñ başqa subyektları belän çağıştırğanda, östen buluın kürsätä. İğtibar birälär digän süz. Yuğisä, soñğı yıllarda bezgä älifbanı üzebezçä , yañalif buyınça yazarğa da röxsät itmägännär ide. Häm başqa mäs’älälärne barısın da tuqtatıp baralar ide. Dumanıñ mondıy uñay qaraşı, dimäk, bezneñ respublikağa küpmeder däräcädä alarnıñ mönäsäbätläre üzgärgän, dip uylıym. Eçtälege bik ük tirän, bezgä citärlek bulmasa da, nindider qänäğätlek tabarğa bula. - Äybät qarıym . Çönki Tatarstan üseş alaçaq. - Şartnamäneñ töp eçtälegen belmim närsädä ikänen. Radio tıñlamıybız, televizor qarasaq ta, işetmädem. Pensiädä xäzer bez. -Yuq işetmädem. - Bu turıda belmim. - İşetmädek şul. Mälikä Basıyr

XS
SM
MD
LG