Accessibility links

Кайнар хәбәр

<p>“Berdäm Rusiä”firqaseneñ “Rus proyektı” </p>


Kük kükrämäs mujik çuqınmas di urıs mäqäle. Bügenge köndä älege äytemne kük kükrämäs tatar selkenmäs diep üzgärtergä bulır ide. “Berdäm Rusiä” firqäseneñ küptän tügel qabul itelgän “Rus proyektı” turında inde küp kenä Mäskäw matbuğat çaralarında basılıp çıqtı. Ä Tatarstanda, älegä bu temağa ällä ni ähämiät birüçe yuq.

Rossiyskaya gazetanıñ 8 fevral sanındağı, “Vopros po russki” yazmasınnan özek täküdim itäbez. “Urıs diep, millät yağınnan ğına urıs bulğan keşene tügel, ä urısça söyläşkän, fikerlägän, urıs möxitendä yäşägän härkemne älege millät, yägüni urıs dip sanarğa kiräk. Monda keşeneñ nindi qannan, häm kilep çığışı buyınça kem ikäne möhim tügel. Berençe urında bu keşe üzen kem dip sanıy”-dip yazıla Rossiyskaya gazetada.

“Novıye izvestiä” gäcite isä “Nawçat Rodinu lyubit” yazmasında “Brdäm Rusiä” firqäseneñ mondıy proyekt täküdim itüen, säyäsät belän bäyli. Älege yazmadan berniçä özek.

“Berdäm Rusiä” firqäse rus proyektına töpläp häm bik ozaqqa alınğan. Älege mä’säläne alar aldağı 15 yıl dävamfında xäl itäçäklär. Dimäk älege firkä säyäsät ölkäsennän äle tiz genä kitärgä cıyınmıy. Bu proyekt, firkänen ğömere ozınraq bulsın digän maqsattan eşlängän bulsa kiräk”.

Şuşı uq yazmada ikençe ber qızıq fikergä tuqtalıyq “Milli avtonomiälär mädäni avtonomiälärgä äwerelergä tieş. Milli respublikalar Rusiäneñ başqa töbäkläre belän ber däräcäle itärgä kiräk. Alarda millilek östen bulırğa tieş tügel.”

Belgeçlär fikerençä, “Rus proyektı” bik möhim äyber. Xätta Stalin da urıslar dip Böyek Watan suğışında ciñgäç kenä äytkän. Ğädättä sovet xalqı, rusiä xalqı dilär ide.

Proyektnı “Rus proyektı” dip ataw küplärdä qänäğätsezlek xisen uyatırğa mömkin. Älege proyektnı täqdim itüçe “Berdäm Rusiä” firqäseneñ säyäsi kiñäşçese İwan Demidov isä üz çiratında “bez proyektnı rus dip atawdan qurkmadıq. Älbättä anı Ruiä proyektı diergä dä bulır ide. Läkin ul oçraqta ul taraya. Rusiä digän süz kiñ qullanılışqa äle 90 yıllarda ğına kertelde bit. Ä tulayım qarağanda Rus häm Rusiä digän süzlärneñ mäğnäse bik oxşaş”.

Ber yaqtan qarasañ “Berdäm Rusiäneñ” “Rus proyektı” Bezneñ respublikağa da

turıdan turı qağıla. Tik respublikada eşläp kilüçe “Berdäm Rusiä” bülekçäsendä bu turıda bik az belälär.

Şulay itep Älegä Tatarstanda “Rus proyektı” turında fikerläşergä, söyläşergä telämilär. Bu yulı da respublikada proyekt tormışqa aşırılğaç qına, bu mäs'älä turında nıqlap uylana başlarlar küräsen.

Ğädel Galämetdinov

XS
SM
MD
LG