Accessibility links

җомга, 2 декабрь 2016, Казан вакыты 22:55

Sotsial ipoteka programması xökümättä şaw-şu uyattı


Xökümät utırışınıñ berençe öleşendä rayonnardağı sotsial'' xäl, ayırım alğanda eşsezlär sanı, keşelärneñ keremnäre-xezmät xaqları, yäşäw sıyfatı turında süz bardı. Bu xaqta Tatarstan premyer-ministrı urınbasarı – iqtisad häm sänäğät ministrı Boris Pavlov xisap tottı. İñ yuğarı xezmät xaqı Biektaw, Yaña Çişmä, Apas, Yuğarı Oslan rayonnarında dielde, ä iñ azı Ätnä, Çüpräledä ikän. Ğomumän respublikada 9 million sumlıq xezmät xaqı burıçı bar. Eşsezlärneñ iñ azı Qaybıç, Piträç häm Buada ikän. Utırışta qatnaşqan respublikanıñ rayon başlıqları qaysı qızarıp, qaysı ğorurlanıp utırdı. Röstäm Miñnexanov töp bilge bulıp – keşelärneñ yäşäw sıyfatı tora dip qat-qat bilgeläp uzdı. Şunnan soñ Ministrlar Kabinetınıñ härber rayon başlığı belän kileşüe tözelde. Utırışnıñ berençe öleşe şunnan ğibärät buldı. Älläni tänqitläwlär sizelmäde. Küräseñ rayon-awıllarda xalıq mul yäşi. Ä menä utırışnıñ ikençe öleşe şaqtıy qızu töstä uzdı, çönki ul bügenge köndä iñ borçığan mäsäläläreneñ berse – fatir alu, yäğni sotsial'' ipoteqa programmasına bağışlanğan ide. Tatarstannıñ finans ministrı Radik Ğayzatullin uzğan yılğı sannar buyınça xisap tottı. Barlığı 1500дән artıq oyışma sotsial'' ipoteqa öçen keremnären kertkän. 2007 yılda isä ipoteka öçen 7 milliard yarım sum qaralğan. Tatarstan Prezidentınıñ toraq fondı oyışması başlığı Tälğät Abdullin inde ğinwar ayında ğına da oyışmalardan 280 million sum kerem kertelgänen belderde häm berqayçan da yılnıñ başında bu qädär aqça kertelgäne yuq ide dip assızıqladı. Tatarstan Premyer-ministrı urınbasarı - Awıl xucalığı häm azıq-tölek ministrı Marat Äxmätov fatir alu öçen dokumentlar cıyu ozaq dip belderde – awıl xucalığı ölkäsendä eşläwçelär öçen. Röstäm Miñnexanov isä tiz-tiz genä pyätistenka yortlar tözärgä täqdim itte. Ul arzanğa da töşä, tiz dä bula dide. Norlat rayonı başlığı Fatıyx Säwbänov bu programmanı ğadiläşterergä kiräk dip assızıqladı.

Läkin böten ğauğa da Bua rayonı başlığı Äğläm Sädretdinov çığışınnan soñ başlandı. Ul rayondağı keşelär sotsial'' ipoteka nigezendä Qazanda fatir alıp şunda küçenep kitälär dip belderde. Bu isä premyer-ministr Röstäm Miñnexanovnı bötenläy ğäcäpkä qaldırdı. Xätta açuın çığardı. Tikşerü kiräk, alay bulırğa tieş tügel dip Tälğät Abdullinğa şeltä belderde. Qaysı keşe qayda yäşi şunnan ğına fatir alırğa tieş dide. Şulay itep elek rayonnarda yäşäp Qazanda da fatir alıp qaluçılar otışta qaldı. Bügenge utırıştan soñ isä mondıy xäl betär dip farazlarğa kiräk, Çönki Röstäm Miñnexanov qatği bu yunäleştä eş alıp baraçağın äytte. Toraq fondı citäkçese Tälgat'' Abdullin rayonda yäşäp Qazanda fatir aluçılar barlığı 80гә yaqın ğına diyuenä qarmastan şaw-şu şaqtıy ozaqqa suzıldı. Rayon başlıqları älege sotsial'' ipoteqa yunäleşendä eş alıp baru iñ awır xezmätlärneñ berse buluın yäşermädelär. Yaqın kiläçäktä awıl cirlärendä sotsial'' ipotka nigezendä tiz tözeleşle yortlar buldıru ölkäsendä cıyılış uzaçaq.

Landış Xarrasova

XS
SM
MD
LG