Accessibility links

якшәмбе, 4 декабрь 2016, Казан вакыты 21:33

Rusiä Prezidentınıñ Söğüd Gäräbstanına säfäre matbuğat közgesendä niçek çağıldı?


“Rusiä Prezidentı Vladimir Putin, yäqşämbe könne, Sögüd Ğäräpstanınıñ başqalasına kilde. Rusiä Prezidentınıñ Säğüd Ğäräpstanına kilüe, anıñ Yaqın Könçığışqa 3 könlek säfäre qısalarında oyıştırıldı. Säfärneñ maqsatı Rusiäneñ Yaqın könçığış illäre arasında säwdä häm xärbi bäyläneşlärne arttıru. Rusiä häm Sögüt Gäräpstanı arasında diplomatik mönäsäbätlär 50 yıl buına bulmağan, 1990 yılda Ğıraqnıñ Küwäytkä kergännän soñ, alar yañartılğan. 2003 yılda şaxzadä Abullah Mäskäwgä kilgännän soñ, ike yaqlı mönäsäbätlär cılınuına işärälär yasadı”, dip yaza New York Times gäzite. “Kommersant” gäzite älege säfär turında yazğanda, anıñ nindi şartlarda ütüenä iğtibar birä. “Hawa alanına qarşı alırğa kilgän patşa gailäse ägzäläre arasında ber genä xatın-qız da bulmadı. Citdi çarada xätta teoretik yaqtan da xatın-qızlarnıñ qatnuşı mömkin tügel. Qaradan kiengän berniçä xatın-qız, Patşa häm Rusiä prezidetınıñ oçraşuın hawa alındağı balkonnan küzätep tordı. Bu Kreml törkemenä kergän jurnalist xatın-qızlar ide”, dip yaza Kommersant gäzite. “Komsomolskaya Pravda’’ basması, wäkilçelekneñ sallı buluın igitbar birä. “Mäskäw delegatsiäsendä Rusiä tışqı eşär ministrı Sergey Lavrov, Prezident yärdämçese Sergey Prixodko, Tatarstan Prezidentı Minitmer Şäymiev, ( süz uñayınnan ul Putin belen bergä oçtı) , transport ministrı İgor Levitin, xärbi-texnik xezmättäşlek federal xezmäte başlığı Mixail Dmitryev buldı”, dip yaza “Komsomolskaya Pravda” gäzite. “Vremya Novostey” basması, Sögüt Gäräpstanınıñ Çeçnä mäsäläsendä qaraşın üzgärtüen bilgeläp ütä. Rusiä wäkilçelegenä kergän yuğarı däräcäle keşe, gäzitkä, “Alar bezneñ, patşalıqtağı qayber oyışmalar tarafınnan çeçen separatistlarına yärdäm itep toruları turında bezneñ däğwälärğä citdi igtibar birde, Ul oyışmalarnı qaysıberläre yabılğan, qalgan öleşe qatı kontrol astına quyılğan, anıñ öçen maxsus oyışma buldırılgan” – dip beldergän.
XS
SM
MD
LG