Accessibility links

якшәмбе, 11 декабрь 2016, Казан вакыты 14:57

Yuğarı mäxkamädä 19 yäşlek yegetne urlawçılar eşe qarala


Tabiplarğa barma başıña bälä alma dilär bit. Yış qına bu äytemne jurnalist bulma başıña bälä alma diep üzgärtäse kilä. Qäläm ostası bulırğa öyrätä başlağanda uq, bulaçaq jurnalistlarğa hönäregez, bik qurqınıç, yäşäwe awır bulaçaq dip söylilär. Curnalitnıñ yazmışınıñ açı buluında, “Veçernyaya Qazan” gäciteneñ baş möxärrire Xazbulat Şämsetdinov ta inandı.

İsegezgä töşeräbez, 2006 yılnıñ 21 ğinwarında baş möxärrirneñ ulın Röstämne urlağannar ide. Ul waqıtta bu temanı matbuğatta nıq quyırttılar. Ozaq qına barğan tikşerülärdän soñ, cinayät eşe tämamlandı. Tatarstan Prokuraturası xezmätkärläre belderüençä cinayätçelärgä cäza kiläse düşämbe iğlan iteläçäk.

Tikşerülär şunı açıqladı: cinayätneñ töp oyıştıruçısı dip “İdel Press” näşriätında maşina yörtüçe bulıp eşlägän Färit Fätxetdinov sanala. Cinayätçe törkemgä isä tağın Waleri Savinov, Waleri Bakov, Dmitriy Vasilev häm Sergey Trifonov kergän. Älege törkem 2006 yılda 19 yäşlek Röstämne urlap, anıñ ğailäsennän 100 meñ dollar aqça sorağan. Cinayätçelär tarafınnan Röstäm tönge klubtan qaytqan waqıtta qulğa alına. Annan soñ Qazan artındağı ber yortta qaçırıp totılğan. Ğayıpläwçe yaq, yegetneñ isän qaluın, cinayätçelärneñ märxämätlege dip sanamıy. Alar äytüe buyınça, Röstäm qulındağı bawnı özep, üze bu yorttan qaçqan. Mäxkämägä şul yağı bik möhim. Barlıq ğayıplänüçelärneñ dä bu berençe genä cinayät eşläwläre tügel. Bu turıda Rifqät Aliulov söyli.

Trifonovtan qala, ğayıplänüçelärneñ barısı da moñırçı, cäzäğa tartılğan bulğan. Qayberläre berniçä tapqır. Mäsälän Bakov keşe üterü öçen utırğan. Ğayıplänüçelärneñ moñarçı başqarğan cinayätläreneñ kübese bügenge köndä tuqtatılğan, Vasilevtan qala. Anıñ 3 cinayät eşeneñ berse tuqtatılmağan. Östäwenä ul öçençe cinayäten şartlı räweştä cäzälänğan waqıtta başqarğan. Bez ğayıplägän waqıtta älbättä bu faktlarnı istä totıp eş ittek.

Fäxretdinov mäxkämägä birgän kürsätmälär buyınça, anıñ belän Röstäm arasında qarşılıqlı mönäsäbät küptän urnaşqan. Niçekter alar “İdel Press” qarşında maşina belän uzğanda yul büleşmägännär. Cänämäse bu waqıtta yaş yeget Fätxetdinovqa qatı süzlär äytkän.

Cinayätne maxsus quşıp eşlätkän keşelärgä qarata da Fäxretdinov törle fikerdä tora. Ber sorağanda ul, cinayätne quşuçı, “İdel Press” citäkçelärneñ berse di, ikençe waqıtta, Qazannıñ cinayätçe avtoritetlarınıñ berse dip belderä.

Xäzer isä, ğayıpläwçe yaq mäxkämä utırışında Fäxretdinovqa 14 yıl, qalğannarğa 10 yıl törgä cäzası sorıy. Bu turıda Azatlıq radiosına, atarstan Prokuraturası prokurorı, älege eş buyınça däwlät ğayıpläwçese, Rifqät Aliulov söyli.

Älege cäzanı min, artıq qatı dip sanamıym, barısı da 126 maddädä qaralğança. Bu cinayätlär ayıruça qatlawlı dip sanala. İñ yuğarı cäza monda 20 yıl törmä, iñe kime 8 yıl. Şuña kürä dä, qayber keşelärneñ, bu cäza bik küp digän süzläre belän kileşmim. Barlıq qaralar da, qanun buyınça çığarıldı.

Kiläse düşämbe bulaçaq, mäxkämä utırışında, älege törkemgä qarata, änä şundıy näticälär çığarılaçaq.

Ğädel Galämetdinov

XS
SM
MD
LG