Accessibility links

якшәмбе, 4 декабрь 2016, Казан вакыты 00:54

Piterburda saylaw aldı agitatsiäse başlandı


11 fevral'dä Peterburgta da saylaw aldı agitatsiäse başlandı."Başlandı" diüem räsmi başlanu inde.Çınında isä ğinwarnıñ 20 ük blokadanı özü könnären qaysıber firqälär üz faydalarına qullanıp qaldılar.Qanunğa sıymasa da ."27 ğinwar- Leningradnı blokadadan azat itü köne.. " Единая Россия" digän plakatlar şähär urtasında irkenläp elenep tordı(firkäneñ saylaw fondınnan tülände digän yazuı bulmasa da), Berdäm Rossiä isemennän blokadniklarğa küçtänäçlär dä taratıldı, alarğa ikençe östämä pensiä alırğa yul aça torğan invalidlıq komissiäläre öçen yaña punktlar da açıldı, Qanunnar cıyılışı spikerı, yedinoross Мadim Tyul'panov Mirey Mat'ye belän bergäläp cırlap ta qaradı. Başqa firqälär dä , masştabları keçkenäräk bulsa da, çittä qalmadı. Saylawçılarnı cälep itü metodikası, şulay bulğaç, iskeçä ikäne añlaşıla , ä Qanunnar cıyılışına saylawnıñ üzendä nindi üzgäreşlär kötelä soñ?

Deputatlar sanı elekkeçä - 50 keşe qalaçaq, ämma saylaw tärtibe üzgäräçäk: 2002 yılda parlamentariylar 50 ber mandatlı okrugtan idelär .Bıyıl isä alar fäqät firqälär isemlege buyınça ğına saylanaçaqlar, yäğni bu saylaw- nämzätlär bäygese tügel, ä firqälär yarışı bulaçaq.Tege yäki bu firkä öçen tawışlar niqädär kübräk bulsa, firqä dä şulqädär kübräk mandat alaçaq.7 protsenttan azraq saylawçılar tawışı cıyğan firqägä mandat eläkmi, ä cıyılğan tawış ciñüçelär arasında bülenä.Härber firqä isemlege başında berençe öç nämzät- firqä äğzaları tora. Misal öçen "Spravedlivaya Rossiä"dä ataqlı figurist Yevgeniy Plyuşçenko,-!"Rusiä patriotlarında" aktrisa Yılena Drapeko, "Sotsialistiçeskaya yedinaya partiä Rossii"da "Kem. qayda, niçek?"neñ bar närsäne dä belä torğan uyınçısı Aleksandr Druz'.

Peterburg saylaw komissiäse üze dä bıyıl bik äwzem eşli: äledän äle matbuğat oçraşuları uzdırıp tora, bu atnada jurnalistlar öçen saylaw mäktäbe bulaçaq, yärdämgä byulleten' dä çığarılğan. Byulleten'dä saylaw aldı agitatsiäse, saylawçılarğa mäğlümat citkerü ısulları, materiallarnıñ forması buyınça täqdimnär,efir waqıtınıñ, gäzit urınınıñ küläme,bäyäse, nämzätlärneñ tanıqlığı, mäğlümäti bäxäslärne xäl itü törkemeneñ burıçları, törkemneñ sostavı turındağı mäğlümätlär, firkälärneñ isemlege tuplanğan.Monda millättäşlärebez isemnären dä tabarğa bula, "Yabloko"da Xälim Biçurin. "Spravedlivaya Rossiä"dä general Rif Säxäbetdinov häm başqalar.

Bıyılğı saylaw agitatsiäsendä qatnaşırğa telägän basmalar, radio-televidenie ber ay eçendä teläklären belderep, reklamanıñ bäyäsen kürsätep, maxsus isemlekkä kerergä tieş bulğan. İsemlekkä kermägännärgä agitatsiä alıp baru tıyıla, qağidäne bozuçılar cawapqa tarttırılaçaq.Bu xaqta matbuğat oçraşuı waqıtında Saylaw komissise räise Aleksandr Gnetov ayıruça iskärtep ütte Aleksandr Gnetov şulay uq: "Döres imzalanmağan isemlekläre 10 protsenttan artqan "Yabloko"bälki saylawda qatnaşır da dide. Älegä "almaçılarnıñ" eşe Üzäk saylaw komissiäsendä.

Ä inde blokadanı iskä alu könnärendäge qanun bozuğa kilgändä, "Xalıqtan reaksiä, signal bulğanda, bez anı surätkä töşerep, protokol tözep, andıy qanun bozularğa qarşı köräşäbez",- dip ışandırdı saylaw komissiäse räise Aleksandr Gnetov.

Tağın ber möhim moment: bıyılğı saylaw aldı çaralarında quldan qulğa aqça birü qatği tıyıla, eşlängän eşkä tüläw fäqät dokumental' kileşü, küçerü nigezendä genä bulırğa tieş.

Saylaw komissiäse jurnalistlarğa, alarnıñ obyektivlığına isäp tota. Saylaw aldı häm saylaw turındağı iñ yaxşı materialğa konkurs ta iğlan itelde. Ciñüçelärne aqçalata büläk häm diplom kötä. Peterburgta Qanunnar cıyılışına saylaw mäs’äläse menä şulayraq tora. Ä Peterburg saylawları, küp kenä säyäsät belgeçläre fikerençä, dekaber ayında uzaçaq Däwlät Duması saylawlarınıñ repetitsiäse genä.

Gölzadä Kamalova, Sankt-Peterburg

XS
SM
MD
LG