Accessibility links

якшәмбе, 4 декабрь 2016, Казан вакыты 04:57

Putinnıñ belderülärenä dönya matbuğatınıñ reaksiäse


“New York times" gäzite, Rusiä Prezidentınıñ Munchendağı çığışı tudırğan reaksiä belän tanıştıra. Könbatışta asılda berkem dä Rusiä belän aralaşu kiräklegen şik astına almıy, ämma Putinneñ Könbatış xaqında şundıy qırıs süzlär äytüe, Şvetsiä tışqı eşlär ministrı Carl Bildnı da Rusiägä mönäsäbätne açığraq itep belderügä etärä - Putin çığışı "Rusiäneñ çın yözen kürsätte, aldağı 4 yäki 5 yılda il şul yünäleştä baraçaq, digän Bildt. Germanineñ yaşellär firkäse wäkile Angelika Beer, mondyı nigezdä, yäğni Putinneñ äytkännäre nigezendä bez xezmättäşlek turında söyläşülär alıp bara almyıbız, di. Çexiä tışqı eşlär ministrı Karel Schwarzenberg, üzençä qahqahä belän, NATOnıñ kiñäyüe nigä kiräk bulğanın añlatqan öçen Putinğa räxmätlären belderä.

"Washington Post" basması, Rusiä Prezidentnıñ zur maqsatı, üz ilen Quşma Ştatlarğa balans bula alırlıq il rölenä qaytunı iğlan itü, dip yaza.

Sovetlar berlege cimerülen haläqät dip bäyälägän Prezident Putin, "salqın suğış"nı da sağınıp iskä ala. Neft tabuçı häm Yevropanı energiä belän täemin itüçe, atom köçlären yañartuçı, qoral häm atom texnologiälären İran, Süriä häm Sögüd Ğäräpstanı kebek däwlätlärgä birergä äzer bulğan Rusiäne, Quşma Ştatlar anıñ belän kileşmiçä ber genä dä adım yasıy almaslıq il xälenä qaytarırğa telär ide. Bu Vladimir Putinnıñ anıq ambitsiäse.

Mäskäwdäge “Novaya gazeta” basması iğtibarnı Rusiädä Könbatışta bulğan qaraşlarğa yünältä. Gäzit Rusiä cämğiäteneñ ikegä bülengänen äytä. Rusiä cämğiäteneñ yuğarı qatlamnarı, könbatışta yortlar satıp ala, balaların Yevropa häm Amerika yuğarı uqu yortlarında uqıta, çit ildägeçä yäşärgä tırışa, yäğni Könbatışça yäşi, di "Novaya gazeta. Rusiäneñ küpçelek xalqı turında alay äytep bulmıy, alar başqaça fikerli. “Yewropa Berlege-Rusiä” üzäge sorawı belän ütkärelgän fiker beleşü şunı kürsätä: Cawap birüçelärneñ yartısı diärlek Yevropa Berlege Rusiägä qurqınıç tudıra dip sanyı. Bu berençe çiratta Televidenie aşa alıp barılğan kiñküläm propaganda näticäse, dip yaza Novaya gazeta. Xalıqqa daimi räweştä Rusiäneñ uz ulınnan baruı turında söyläp toralar häm Amerika belän Yevropadağı mäkerle doşmannarnıñ qırın gämällären faş itälär. Rusiä xalqınıñ 90% diärlek könbatıştağı çınbarlıqnı häm andağı "doşmannarnı" üz küze belän kürmägängä, andıy qaraşlarnı xalıq ciñel qabul itä. Çit däwlätlär dä üzläre beleştermiçä, Yevropa Berlege häm Tönyaq Amerikağa barırğa teläwçelär öçen viza alunı qıyınlaştırıp, könbatıştan qurqunı tağı da nığıta. Rusiä propagadası öçen tağın ber dälil tua – Menä küräsezme, yevropalıalr häm amerikannar bezne yaratmyılar, alar bezneñ uñışlardan könläşä, şuña kürä yaña pärdä qoralar, bu yulı viza räweşendä,” dip äytä alar. Täcribä kürsätkänçä, Könbatışta Rusiädäge cinayätçelekneñ kilüennän saqlanu çarası bularaq qaralğan viza kağidälären qırıslatu näticä birmi. Çit ilgä naçar niät belän baruçılarnı ilçeleklär taläp itkän küp sanlı beleşmälär tuqtata almıy, dip yaza Novaya Gazeta, Rusiädä Könbatışqa qarata mönäsäbätne naçaraytuğa öleşne Könbatış üze dä kertüe xaqında.
XS
SM
MD
LG