Accessibility links

Кайнар хәбәр

Rusiä wäkillegeneñ Ğäräp illärenä räsmi säfäre tämamlandı


Sişämbe könne, Rusiä citäkçelege zur ömetlär bağlağan, Ğäräp illärenä räsmi säfär tämamlandı.

İsegezgä töşeräbez, älege säfärdä Tatarstan prezidentı Mintimer Şäymiev tä qatnaştı. Säyäxätneñ töp maqsatı - Putinnıñ Ğäräp illäre belän yaxşı mönäsäbät urnaştırırğa teläwe. Şunı äytep uzıyq, Ğäräp illäre belän Sovetlar soyuzı arasında dustanä mönäsäbät, Rusiä il başına Stalin kilgäç tämamlana. Bügenge köngä qädär Rusiä möselman illäre belän mönäsäbätlärne üsterergä ällä ni igütibar birmi ide. Soñğı waqıtta, ğäräp illärenä iğtibar artu belän, Rusiä başlığıda, mondıy duslarnı yuğaltırğa yaramağanlığın añlağan, bulsa kiräk. Ğäräp illärenä iğtibar artuınıñ säbäben Tatarstan säyäsät belgeçläre menä nidä kürä. Bu xaqta Azatlıq radiosına

Rafiq Möxämmätşin söyli.

Putinnıñ Ğäräp illärenä borıluınıñ säbäpläre şaqtıy. Berençedän, Putin, Soğıd Garäbstanına kiter aldınnan açıqtan-açıq bezgä ber polyar, ber genä yunäleştä eş alıp bara torğan il kiräkmi, Amerika kebek, küp polyarlı sistema bulırğa tieş dip belderde. Min älege säfärne beznegä tatarlar öçen dä, Rusiä öçen dä, säyäsi, iktisadi yaqtan da möhim adım dip sanıym. Min monı Putin tarafınnan Amerikağa qarşı bulsın dip eşlängän eş dip sanamıym, biredä anıñ mäğnäse tirän.

Bu mä’sälägä Tatarstan prezidentınıñ säyäsi kiñäşçese Rafail Xäkimovnıñ da fikeren tıñlap ütik.

Feysal bülägeneñ Putin qarşında tapşıru,üze ber küñelle waqiğa. Bu säfärne Tatarlar öçen bik möhim dip sanıym.

Älbättä, Putin qarşında, Rusiä wäkilçelege arasındağı, Tatarstan prezidentına, ğäräp illäreneñ iñ däräcäle Feysa patşasınıñ bülägen tapşıru, bik küñelle küreneş. Şäymiewneñ däräcäse artu belän, Tatarstannıqı da kütärelä digän süz. Tik şunısı, añlaşılıp betmi. Rusiä başlığına, üze belän Tatarstan prezidentın yörtü nigä kiräk buldı ikän. Monda, teliseñme telämiseñme, Rusiädä uzğan ğasır başındağı inqilap iskä töşä. Bu waqıtta, tatarlar möselman ilenä ütep kerep, bolşeviklar alarnı üz mänfägatlären qayğırtu maqsatınnan, faydalandılar. Bügen ber ğasır waqıt uzğaç, älege waqiğa yänä qabatlanmıy mikän. Bu sorawnı bez säyäsät belgeçe Rafıyk Möxämmätşinğa

Çınnan da tatarlarnı Sovet ğaskärlärenneñ berençe yıllarında Urta Aziädä, Möselmannarğa qarşı qullanğannar. Läkin xäzer bit inde wäzğıät üzgärde, tatar, möselman faktorı Rusiäneñ tışqı säyäsäten bu yunäleştä alıp baru öçen, nindi dä bulsa çağıştırırlıq nindider faktorlar kürmim, kiresençä Rusiä cämägätçelegeneñ tatarlarnı tanu dip uylım.

Tatarstan säyäsätçeläre, Rusiä wäkilçelegeneñ Ğäräp illärenä räsmi säfärenä, änä şundıy mönäsäbättä tora.

Ğädel Galämetdinov

XS
SM
MD
LG