Rusiäneñ iñ bay xatın-qızı häm Mäskäw başlığı Yuriy Lujkovnıñ xatını, “Forbs” jurnalın, yalğan yazuda gäyepläp mäxkämägä möräcägä itte. Baturinanıñ tözeleş şirkäte wäkile xäbär itkänçä, ul jurnalnıñ dekaber sanında çıqqan mäğlümat öçen ählaki zıannı qaplaw öçen 213 meñ sum ğına taläp itä. Jurnalnıñ tışlığında “minem yaqlaw garantiälängän” digän süzlär çıqqan ide. Şirkäteñ süzçese äytkänçä, Baturina äytkän süzlärneñ mägnäse bozılğan, şirkät däwlät oyışmaları tarafınnan yaqlana digän täesir tuğan. “Forbs” jurnalnıñ xoquq belgeçe, şikäyätne nigezsez dip atadı.
