Accessibility links

сишәмбе, 6 декабрь 2016, Казан вакыты 19:08

Kem ul Gurbanğuli Birdemöxämmädov?


Törkmänstannıñ yaña prezidentı Gurbanğuli Birdemöxämmädov turında, räsmi tärcemäi xälennän qala mäglümat az. Anıñ nindi keşe buluı bezgä bilgesez, dip äytä Könbatış häm Rusiä belğeçläre dä.

“Min Ğurbanguli Maliqguli ulı Birdemöxämmädovnıñ programmasın tıñladım, miña anı universitetta 5 yıl belem alu häm mäktäplärdä 100 yıllıq uqunı kertü turındağı süzläre oşadı.Yäşlärne çit ilgä uqırğa cibärü turıdındağı wäğdäläre qızıqtırdı” - dip äytkän bulğan ber törkmän xanımı saylaw könendä. Ğurbangulı Berdıymöxämmädovnıñ tormış yulı turında mäğlümat az. Ul 1957 yılda, Aşğabad töbäge Geog-Tepin rayonı Babarap awılnda tuğan. 1979 yılda Törkmän däwlät meditsina institutında stomatologiä fakultetın tämamlağan. Meditsina fännäre kandidatı. 1980nçı yılda teş tabibı itep eşli başlagan. 1990nçı yıldan alıp 95-qä qädär Törkmänstan däwlät meditsina institutında dekan bulğan, annan soñ, sälämtlek saqlaw häm meditsina sänäğäte ministrlıgınıñ stomatologiä üzägen citäklägn. Tağın 2 yıldan sälämätleq saqlaw ministrı bulğan. Tağın 4 yıldan xökümät räise urınbasarı urınına bilgelängän. Prezidentlıqqa qädär, Saparmurat Niyazovnıñ cänazasın oyıştıru komissiäsen citäklägän, prezident wazifaların başqarğan.

Açıq cämğiät İnstituttınıñ Törkmänstan Proektları başlığı Erika Dailey Ğurbangulı Berdıymöxämmädov turında bik az näräsä bilgele dide. “Bez anıñ eşlägän urınnarı turında küpmeder beläbez. Ämma anıñ nindi şäxes buluı bezgä bilgesez. Professional yaqtan, ul sälämätlek saqlaw ministrı häm vitse-premyer bulğan. Niyazov regimı waqıtında ozaq itep xökümät xezmätendä bulğan.” Ğurbangulı Berdıymöxämmädov Niyazov recimı waqıtında isän qaldı häm Niyazov keşeläre arasında teläktäşlek tapqan bulırğa mömkin. Törkmänstanda xäzer dä yäşäwçe ber keşe häm Ğurbangulı Berdıymöxämmädovnı uqığan waqıtta belgän keşe xäzerge prezidentnı yäşlektä nindi buluın xäterli. Anıñ fikerençä Ğurbangulı Berdıymöxämmädov kötelämägän şäxes bula ala, ul tınıç, tıñlawçan, läkin qatlawlı keşe ide, di ul.

Ğurbangulı Berdıymöxämmädov turında mäğlümat anıñ saylaw aldı kampaniäse waqıtında açıla başladı. Erika Dailey andıy belderülär Ğurbangulı Berdıymöxämmädovnı üzen añlarğa mömkinlek birä ala, di. “Minem uylawımça anıñ belderüläre , anıñ şäxesen küpmeder däräcädä kürsätä ala. Ul, Niyazov waqıtında ütkärlgän, belem birüdä, awıl xucalığında, populär bulmağan üzgäreşlärne açıq bilgeläp quydı. Ul şulay uq, berençe çiratta keşelärneñ üzgäreşlär kürergä teläwen añlıy. Häm şulay uq keşelärgä, üzeneñ wäzigätne añlağanın belgerterä kiräklegen añlıy.”
XS
SM
MD
LG