Accessibility links

дүшәмбе, 5 декабрь 2016, Казан вакыты 11:32

Tatarstan mädäniät ministrlığı cawabı


Kiçä Rusiäneñ General' prokuraturası Tatarstan muzeylarındağı eksponatlarnı urlaw oçraqları turında xäbär itte, dip belderä “Kommersant” gazetası. Gazeta xäbär itüençä Baş prokuratura Tatarstan respublikasınıñ mädäniät ministrlığına eksponatlarnı urlawğa kitergän saqlaw tärtipläreneñ bozıluı turındağı tikşerü näticäläre cibärgän. Ayırım alğanda bu dokumentta küp muzeylarda xäwef xäbär itüçe caylanmanıñ bulmawı, muzey mödirläre belän mölkät tapşıru kileşülär tözelmäwe turında da äytelä dielä.

Gazeta Rusiä Baş prokuraturası birgän mäğlümatlarğa tayanıp, uzğan yıl axırında Leninogorskidağı kraynı öyränü muzeyında tözekländerü eşläre waqıtında KGB ofitserı kortigı, Ätnä rayonındağı Sibğät Xäkim muzeyınnan şağir cıyğan borınğı äyberlärneñ häm znaçoklar kolleksiäseneñ urlanuın da xäbär itä.

Ğinwar ayında Baş prokuratura ütkärgän tikşerü waqıtında qayber muzeylardağı eksponatlarnıñ isäpkä alınmawı häm saqlaw tärtipläre bozılu urında da äytep uzıla. Mondıy oçraqlar bulğan muzey mödirläreneñ berse dä cawaplılıqqa tartılmağan. Kommersant ministrlıqnı räsmi cawap belän çıqmawda ğäyepläde.

Bügen Tatarstan mädäniät ministrlığınıñ muzey programmaları, muzey fondları monitoringı häm mädäni turizm bülege mödire başlığı Liliä Sattarova añlatmalar birde.

Bu ğäyepläwlärgä bilgelängän waqıt qısalarında räsmi cawap bireläçäk. Tatarstan prokuraturasına da räsmi cawap bireläçäk.

Liliä Sattarova, äytüençä bügenge köndä muzey fondları aldında zur eş tora. Bu ğäyepläwlär dä ber yaqlı ğına tügel. Misal öçen, tärtip bozular bulğan muzeylarnıñ mödirläre cawapqa tartılmağan dip belderü döres tügel, qatı şeltä belderelgännäre dä bar.

Nail Alan

XS
SM
MD
LG