15 fevral’dä, Mäskäwneñ mädäni üzägendä, yazuçı Fäwziä Bäyrämova uzğan yıl basılıp çıqqan öç kitabın mäskäwlelärgä täqdim itte. Avtor “Altın urda”, “Batırşax”, “Atom atawında yäki tatarlarğa qarşı atom genotsidı” digän kitaplarnıñ yazılu tarixın, ezlänüläre xaqında söyläde. Şulay uq Seber xanı Küçüm xan turındağı äle genä yazılıp betkän kitabı turında da qızıqlı mäğlümätläre belän urtaqlaştı. Fäwziä xanımnı Mäskäwgä kitaplar täqdim itü genä tügel, Germaniägä baru mäşäqätläre dä kitergän ikän. Rus häm tatar tellärendä “Atom atawında yäki tatarlarğa qarşı genotsid” dip atalğan kitabı dönya kürgännän soñ, anı Germaniädä yäşäwçe tatarlar da kürep alıp, nemes telenä tärcemä itkännär. Xäzer inde Fäwziä bäyrämova, Lepsig şähärendä uza torğan tanılğan kitap yärminkäsenä dä räsmi çaqıru alğan. Läkin, anıñ belän bulğan äñgämädä bez süzne Germaniägä baru turında başlasaq ta, sorawlar tatarnıñ bügenge tormışı, islam dine millätlärgä ayırmıy, şul wäzgiättä tatar telen niçek saqlap qalırğa, din häm millät digän temalarğa söyläştek.
Näzifä Kärimova, Mäskäw
