Accessibility links

җомга, 9 декабрь 2016, Казан вакыты 08:51

Çallığa Çeçnyadan tabut qayttı


Kavkaz yaqlarına cibärelüçe militsionerlar arasında Çallı xezmätkärläre iñ zur sanlı suğışçan törkemnärdän sanalıp kilde. Şuña da qaramastan, bıyılnıñ 13нче fevralenä qädär Çallı militsiäse qaynar noqtalarda yuğaltular kiçermäde. Bu könne Çeçen respublikasınıñ Äşxoy-yort rayonındağı çirattağı çistartular waqıtında Çallıdan cibärelgän militsiä leytenantı Viktor Konovalov häläk bula. 6 yıl eçendä Tatarstan militsiäse Kavkaz cirendä 4 xezmätkären yuğalta. İñ zur yuğaltu 2001 nçe yılğa turı kilä, bu çorda Tatarstan eçke eşlär ministrlığınıñ beryulı 3 militsionerı häläk bula. 2002 nçe yılda tağın beräw. Viktor Konovalov Tatarstan militsiäseneñ bişençe, Çallınıñ berençe yuğaltuı. Häläk bulu säbäpläre xaqında tögäl mäglümätlärne älegä äytüçe yuq. Qısqaça, şuşı rayondağı Çallı militsiäsen irtänge säğät dürttä trevoga belän kütärep, çeçen suğışçıları yäşerengän urınğa alıp kitälär. Çistartular barışında militsionerlar tozaqqa, zasadağa elägälär. Suğış waqıtında Çallı häm çeçen militsionerı häläk bula, Gudermes rayonı eçke eşlär bülege ofitserı yaralana. Soñınnan çeçen suğışçılarınıñ 4 keşe buluı, alarnıñ barısınıñ üterelüe xaqında bäyän itelä.

32 yäşlek Viktor Konovalovnıñ üz fatirı bulmıy, 10 yäşlek qızı, häm xatını belän äti-äni poçmağında yäşärgä mäcbür bula. 26нчы martta anıñ 6 aylıq xärbi komandirovkasınıñ waqıtı betep, Çallığa qaytırğa tieş bula. Qaytuğa, sotsial' ipoteka buyınça üzlärenä fatir alu turında xıyallanğan bulğan. Leytenant üze fatirlı bulu könen kürä almadı, şulay da, anıñ ğailäsenä Tatarstan eçke eşlär ministrlığı häm Çallı şähär xakimiäte yärdäme belän bireläçäk. Bu xaqta Çeçnyada häläk bulğan Konovalovnı soñğı yulğa ozatu, yäğni matäm çarasında äytelde. Älege çarada Tatarstan militsiäse häm Çallı şähäre citäkçeläre dä qatnaştı. Alda äytep kitkän 6 yıl eçendä Tatarstan militsiäse Mozdok, Ğudermes, Xanqala häm Şelkovskiy rayonnarında xezmät itte. Monnan 3 kön elek Çallı OMONı cämäğätçelek tärtiben saqlaw öçen İnguşetiä yaqlarına çığıp kitte. Alar anda 6 ay bulaçaqlar.

Ğafiulla Ğaziz, Çallı

XS
SM
MD
LG