Accessibility links

якшәмбе, 11 декабрь 2016, Казан вакыты 07:21

Keläm dönyası-II: Irhan Nisametdin


Çal tarixlı keläm dönyası bügen nindi ügäreşlär kiçerä? Bu käseptä qaysı illär alda bara? Keläm säwdäsendä tatar telen belü yärdäm itäme? Yaxşı kelämneñ bäyäse küpme? Şuşı häm başqa sorawlarğa keläm belgeçe İrhan Nizametdin cawap birä, 17 Fivral şimbä könne Azatlıq dulqınnarında.

Keläm dönyası şälkemeneñ berençe öleşendä bez Germaniäneñ Hannover qalasına Domotex dip atalğan xalıqara kürgäzmägä suğılıp çıqtıq. Bügen Hannoverdan Helsinkiğa.

Fin başqalasında İmperial Matto isemle keläm kibete totuçı İrhan Nisametdin, bu ilneñ keläm bazarında äydäp baruçı belgeç sanala. Expert bäyälämäse kiräk bulsa aña möräcäğät itälär. Domotex kebek kürgäzmälärdä ul inde ike distä yıl qatnaşa:

"Bu kürgäzmädä, zamanında, Finlandiädän genä 20läp tatar cıyıla ide. Ul bik küñelle ide, kiçlären bergäläp utıra idek, biznes turında söyläşä idek, törek restoranına bara idek. Xäzerge waqıtta bu tatar firmaları äzäygän, çönki buın üzgärgän, balaları atalarınıñ eşen däwam itmägän. Bezgä kilgändä, bez bu keläm alanında inde öçençe buın."

İrhan atise Fatıyx abıynıñ eşen däwam itä, üzen öçençe buın kelämçe dip sanıy. Fin ilendä tuıp üskän, ata-babaları Nijgar yaqlarınnan. Tatar telen belü keläm säwdäsendä bik zur fayda dip söyläde ul häm misal itep, Paqstan säfäre waqıtınada bulğan xällärne kiterde.

Kibetneñ isemenä kilgändä, İrhan anı bik ğadi añlattı: matto finça keläm bula, imperial digäne - bezneñ qaydan çığuıbıznı añlata, dip şayarttı ul.

Xäläl cefete, tanılğan cırçı Cämilä belän bergä İrhan üze şikelle sölek kebek 3 malay üsterä. Kem belä, bälki alar da ätiläreneñ, ä bälki äniläreneñ käseben däwam iter? :)

Ali Ğilmi

бәйле язмалар

XS
SM
MD
LG