Accessibility links

җомга, 9 декабрь 2016, Казан вакыты 16:44

Şalyapin festivale tämamlandı


Qazanda Fedor Şalyapin isemendäge xalıqara festival'neñ pärdäse töşkäç tä alqışlar ozaq yañğıradı. Yegerme bişençe tapqır uzğan yubiley çarasınıñ yabılu konsertın Rusiäneñ mädäniät kanalı da kürsätte. Bu festival' xaqında Musa Cälil isemendäge tatar däwlät opera häm balet akademiä teatrı mödire Räwfäl Möxämmätcanov, tamaşaçılar “şalyapin repertuarınnan” çit il häm watanıbıznıñ klassik muzıkası belän tanıştılar disä dä festival' qısalarında ğabdulla Tuqayğa bağışlanğan “Şağir mäxäbbäte” dip atalağan opera da kürsätelde. Uzğan yılnıñ noyäber urtasına premyerası bulğan bu äsär festival' tarixında yegerme biş yıl eçendä tatar telendä uynalğan berençe opera ide. Unbiş yıl buyı Cälil teatrı säxnäsenä tatar telendä yaña ber genä opera da quyılmağan bulğan. Şuña kürä äsärneñ avtorı kompozitor Rezedä Axiärova da bu opera bezneñ balabız kebek, dide.

Şalyapin isemendäge festival' Cälil teatrında Verdinıñ “Trubadur” operasınıñ premyerası belän başlanıp kitkän ide. Bu teatrnıñ çirattağı xalıqara urtaq proektı buldı. Çönki ul Niderlandnıñ VDB şirkäte belän bergä säxnäläşterelde. Muzıqa citäkçese italiäle Marko Boemi, Qazannan dirijer Renat Salavatov, avstraliäle quyuçı rejisser Bruno Berger-Ğorski, Germaniäle rässam Dirk Xofakerne häm başqaruçılarnı Trubadur ber sänğati qanat astına aldı. Festival'dä şulay uq “Boris Godunov”, “Aida”, “Nabukko”, “Sixri fleyta”da kürsätelde. Opera bäyrämendä kürenekle cırçılar Mariin teatrı solistları Äxmät Ağadi, Natal'ya Timçenko, Zur teatrdan İrina Makarova häm şulay uq dönyanıñ un ilennän kilgän artistlar da qatnaştı.

Nail Alan

XS
SM
MD
LG