Accessibility links

якшәмбе, 4 декабрь 2016, Казан вакыты 13:15

Ärmänstan Törkiä belän bäyläneşlärgä äzer


Ärmänstan Törkiä belän ber şartsız diplomatik bäyläneşlärgä kerergä äzer buluı turında belderde. Köndälek Fransuz basması “Le Figaro”ğa birgän äñgämäsendä, Ärmänstan prezidentı Robert Koçaryan, şulay uq Yeravannıñ genotsid itep atagan, 1915 yılda ğosmanlı waqıtında üterelgän ärmännär mäsäläsen tikşerü öçen urtaq komissiyä tözergä äzer bulgannarı turında äytte. Koçaryan, Törkiyäneñ bu mäsäläne tikşerer öçen tarixçilardañ torgan urtaq törkem buldırırga digän täqdimne kire qaqtı. Läkin anıñ urnına, Ankaranı, üz täqdime bulğan xökümätara komissiäne qabul itärgä çaqırdı. Törkiä, 1nçe Dönya suğışı, Ğosmanlı İmperiäseneñ tarqalu waqıtında bulgan 1 million 500 meñ ärmänneñ üterelewe turındağı ğayepläwne kire qaqtı. Bu yuğaltularnıñ partizanlar sugışınıñ ber öleşe buluın häm ike yaqqa da bik küp zararlar kiterde digän añlatma birde. Koçaryan bügen Fransiadä räsmi säfärdä häm anıñ Fransiä prezidentı Jacque Chirac belän oçraşuı kötelä.

XS
SM
MD
LG