Accessibility links

шимбә, 3 декабрь 2016, Казан вакыты 12:51

Çexiä häm Polşa AQŞ cihazına qarşı tügel


Polşa häm Çexiä premyer-ministrları, üz cirlärendä AQŞnıñ saqlanu sisteması tözergä röxsät birü ixtimalı turında belderde. Çexiä premyerı Mirek Topolanek bügen Warşawda Polşa xökümäte başlığı Jaroslaw Kaczynski belän oçraştı. İke citäkçe, sistema, barlıq NATO äğzalarına saqlanu çarası bulır ide, dide. Waşington, bu cihaz – Quşma Ştatlarnıñ könçığışın häm Yevropanı Yaqın Könçığıştağı zolım illäre höcümennän saqlar öçen tözeläçäk, dip basım yasıy. Rusiä bu sistemağa qarşı çıqtı, anıñ tözelüe – töbäktä totrıqsızlıqqa kiteräçäk, dip belderde. Ägär dä Yevropa andıy cihaznı tözergä röxsät birsä, Mäskäw, 1987nçe yılğı qısqa häm urta atağa oça torğan raketalarnı çikläw kileşüennän çığuı belän yanadı.

XS
SM
MD
LG