17 fevral kommunistlar Ufada qarşılıq çarası uzdırdı. Uram cıyını toraq-kommunal tüläwlär üsügä qarşı yünältelgän ide. Çarada 100gä yaqın keşe qatnaştı. Uram cıyını qarar qabul itü belän tämamlandı. Anda tuzğan toraq programın däwlät küzätüenä alu, toraq tözügä qazna aqçasın cälep itü, kommunal tüläw xaqların töşerü häm başqa taläplär kergän. Qarşılıq çarası Ufa kommunistları başlanğıçı belän tügel, Rusiä kommunistları uzdırğan çaralar qısasında ütte. Başqortstan kommunistları yaña citäkçele bulğannan soñ, alarnıñ qarşılıq çaraları ütkärgännäre dä, oppozitsiä uzdırğannarında qatnaşqannarı da yuq.
