Yuğarı uqıu yortonoñ uqıtıu alımdarına qarşı rizahıźlıq beldergän taliptar bına şulay tip belderä. Azatlıq radiohı xäbärsehe menän äñgämäläşkändä uqıu yortonda belem alıusı egettärźeñ berehe ,,Beźźe ,,Söläymänit,, sektahınıñ äüźem ağzalarınıñ berehe uqıtırğa teyeş, älbittä, beź qarşı, ämmä uqıu yorto etäkselegeneñ pozitsiyahı añlaşılmay tip belderźe.
Ägär źä taliptar quyğan talaptar qänäğätländerelmähä, ular uqıuźan kitergä yıyına. Taliptar äyteüensä, Tälğät Tajetdin uqıtıuźıñ török sistemahına tulıhınsa buyhona häm bıl sistemanı döröś tip hanay. Törkiälä ,,Söläymänit,, tıyılğan sektalarźıñ berehe, beź sekta uqıtıusılarınıñ beźgä belem bireüenä qarşıbıź, tiźär taliptar. Ular yañı uqıtıusı bireüźe talap itä.
Başqortostan mosolmandarı üźäk diniä nazaratı häm ,,Ğäźel Räsäy,, firqähe töbäk büleksähe wäkildäreneñ Kuweytqa eş säfäre barışında dini, mäźäni häm säyäsi bäyläneştärźe üśtereü mäsäläläre tikşerelgän. Möftöyźeñ berense urınbaśarı İldar Malaxovqa hıltanıp bıl turala başinform ağentlığı xäbär itte. Başqortostandıñ iqtisadi qeüättäre, säyäsi totoroqloloq, islam dine totouźıñ küp bıuatlıq traditsiyaları Ğäräp ildäre menän xeźmättäşlekte yayğa halırğa mömkinlek birä tigän İldar Malaxov. Kuweyttıñ milli yıyılış vitse–spikerı Möxämmät Äl-Bösäyri bildäläüensä, ike arala mosolmandar xeźmättäşlege sauźa–iqtisadi mönäsäbättärgä nıqlı nigeź halıuı ixtimal. ,,Ğäźel Räsäy,, firqäheneñ töbäk büleksähe etäksehe Aleksandr Kozlov ihä Räsäyźeñ iqtisadi häm säyäsi mäsälälären xäl iteü ösön islamdı tulı qeüättä fayźalanırğa saqırğan. Kiläsäktä şulay uq Kuweytta islam Başqortostan keşeläre ösön islam qanundarın uqıtıuźı oyoştorou źa qarala. İldar Malaxov äyteüensä, Kuweyt ta Başqortostan da dini ekstremizmğa qarşı bergäläp köräşergä teyeş. Kuweyt finans yorto wäkildäre Räsäyźä bank filialın asıu telägen beldergän. Yaqtar şulay uq İkra ğäräp yuldaş telekanalı ösön Başqortostan mosolmandarı tormoşo turahında tapşırıuźar äźerläp ebäreü turahında la kileşkän. Kuweyt wäkildäreneñ tiźźän Başqortostanğa kileüe kötölä.
