Accessibility links

сишәмбе, 6 декабрь 2016, Казан вакыты 23:02

Peterburgta uram cıyını


Kiçä, 18 fevrvl'dä, Keçe Konyuşennıy uramında "Yabloko" firqase uram cıyını uzdırdı.Yal köne buluğa qaramastan, xalıq küp kenä cıyılğan ide.Cıyınnıñ maqsatı- xökümätneñ säyäsätenä, şähär häm Üzäk saylaw komissiäse eşenä qarata rizasızlıq belderü, üzläreneñ äle säyäsi köç ikänlegen isbatlaw ide.

Äytergä kiräk, şähär saylaw komissiäse "Yabloko"firqasen 11 martta uzaçaq Qanunnar cıyılışına saylaw isemlegenä kertmägän ide.Ğamälgä yaraqsız dip tabılğan imzalarnıñ sanı 10 protsenttan artqan dip.Üzäk saylaw komissiäse räise Aleksandr Veşnyakov şähär komissiäseneñ qararın xuplağan. 15 fevral'dä "almaçılar" Yuğarı mäxkämägä möräcäğät itkännär.

İmzaları yaraqsız dip tabılğan saylawçılar, üz çiratında, imzalarınıñ döreslegen isbatlaw öçen mäxkämägä üteneç belän barğannar.Bügenge köndä 34 imza ğına xatalı dip sanala ikän..Bu xaqta baş "almaçı"Mixail Amosov söyläde.""Kursk"su astı köymäse belän elemtä urnaştı, Beslan mäktäbendä 1200 bala tügel, ä 300 genä dip aldaşqan xökümät bügen dä yalğanlawın däwam itä. Alar, "Yabloko" firqase populyarlıygın yuğalttı, diärgä mataşalar.Alar bezne elekke, aldaqqa qorılğan sistemağa qaytarırğa telilär.Bügen üzen aldatırğa telämägännär grajdanlıq aktivlığı kürsäterä burıçlı. Ä xökümät üz xalqın aldawdan tuqtarğa tieş. Şunda ğına ildäge korrupsiäne ciñep bula, şunda ğına xalıq däwläte bula ala",-dide Mixail Amosov.

Qanunnar cıyılışınıñ sotsial' mäs'älälär buyınça komissiäse räise Natal'ya Yevdokimova:""Yabloko"nı isemlekkä kertmäwneñ töp säbäbe-"Gazprom-siti"- "kukuruzağa" qarşı çığuında. "Kukuruza" turında xalıq fikeren beler öçen referendum uzdıru kiräk bulır ide. Referendum buyınça "almaçılar" äzerlägän dokumentlarnı, dokument bula alırlıq tügel, dip, kire qaytardılar. Proektnı Qanunnar cıyılışı utırışına täqdim itkäç, Cıyılış ta annan baş tarttı. Şulay itep, bezne Mixail Amosov belän qanunıy initsiativadan mäxrüm ittelär Xakimiät referendum ütkärergä telämi.Ägär bez moña çik quymasaq, xaqimiät xalıqqa, saylawçılarğa iğtibar da itmäyäçäk.Ul boly da xalıq ışanıçın ber keşe ışanıçına alıştırdı", -dide Natal'ya Yevdokimova.

Mitingta çığış yasawçı "Watandaşlar initsiativası"xäräkäte räise kommunist Yevgeniy Kozlov :"Yabloko"nı saylawğa kertmäw-ul säyäsi zakaz, "almaçılarnıñ" 122 zakonğa qarşı çığuları, xalıqnı sotsial' yaqtan yaqlarğa tırışuları, "Peterburgskoe grajdanskoe soprotivlenie"dä qatnaşqanı öçen üç alu. Häm inde, älbättä, "Gazprom-siti"ğa qarşı bulğanı öçen dä,"- dide."Kukuruza ul-Gazpromnıñ ğına tügel, ä xökümätneñ dä monopoliäse simvolı,byurokratik diktat simvolı", -dip süzen yomğaqladı Yevgeniy Kozlov.

Axırda cıyında qatnaşuçılar, Neva prospektında transport xäräkäten tuqtatıp torıp, 3 martta uzaçaq "Qarşılıq marşına" repetitsiä dä yasap qaradılar ."Qarşılıq marşı"3 martta 12 säğättä "Oktäberskiy"konsert zalınnan Smol'nıyğa taba quzğalaçaq.

Ä inde saylawğa kilgändä, baş "almaçı"Mixail Amosovnıñ ciñüdä şige yuq ".Ciñelgän oçraqta da 11 mart belän genä tormış tuqtalmıy",- di optimistlığın yuğaltmağan Mixail Amosov.

Gölzadä Kamalova, Sankt-Peterburg

XS
SM
MD
LG