Accessibility links

Кайнар хәбәр

Baqwa äfğan häm NATO kontrolendä


Äfğan häm NATO ğaskärläre könbatıştağı Farah vilayätendä Taliban alğan Bakwa şähären kire üz kontrolenä aldı. Gubernator, çarada 200gä yaqın xärbi qatnaştı, qarşılıq kürsätelmäde, dip belderde. Äfğanstan eçke eşlär ministrlığınıñ matbuğat wäkile Zamarai Başari, wazğiät kontrolgä alındı, dip belderde: "Anda xäzer iminlek urnaştı, problemalar yuq. Binalarğa, keşelärgä ziyan kilmäde. Uramnarda tärtipne iminlek köçläre saqlıy." Taliban ğaskärläre buluda şiklänelgän ğısyançılar höcümnären däwam itä, bäreleşlär Kunar vilayätendä buldı, anda ber amerikan xärbie häläk buldı. Qabulda polisiä röxsätsez alkohol satqan 14 keşene qulğa aldı, alarnıñ 5se – çit il keşeläre. Yözlägän şeşä eçemlek qulğa alındı. Äfğanstan konstitusiäse isertkeç eçemleklärne eçüne yäki başqa äfğan keşesenä satunı tıya, ämma çit il keşeläre yörgän kibetlär häm restorannarda alkohol satıla.
XS
SM
MD
LG