Accessibility links

пәнҗешәмбе, 8 декабрь 2016, Казан вакыты 23:08

Firdüs Aliev älegä üz urınında


Samar däwlät teleradiokompaniäsen soñğı yıllarda Fedor Aliev citäkli. Aliev familiäse Samar oppozitsion köçlär awızınnan töşep torğanı yuq. Räsmi yazmalarda, ekrannarda, türälär awızında Alievnı Fedor Zavidoviç dip yörtälär, ä menä şovinist ruslar anı Firdüs dip yazalar häm härwaqıt tatarlığına basım yasıylar ide. Aliev – “Berdäm Rossiä” firqäse äğzası häm teleekrannarğa, radiodulqınnarğa başqa firqälärne yaqın kitermävenä bik tä zarlandılar. Soñğı könnärdä Firdüs Aliev familiäse yañadan alğı sızıqta kütärelde. Teleradiokompaniä binası qarşında keçkenä genä piket ta bulıp alğan. “GTRKnı tatar citäklärgä tieş tügel!” isemle yazma kütärgän şovinistlar da basıp torğan. Gäcitälär bitendä Firdüs Aliev känäfiennän töşerelde dip xäbär dä birdelär. Xäzerge waqıtta xäbärneñ döreslege bulıp gäcitä bite dälil bulıp tora almıy.

Aliev urınıda qalğanmı, yuqmı? Alievnıñ särkätibe: “Aliev eşli, üz urınında,”- dide. Şul uq fikerne radiomöxärrire Roman Anatol'yeviç tä rasladı, ä Aliev belän hiç tä elemtägä elägep bulmadı, yä qaytıp citmägän, yä çığıp kitkän bulıp çıqtı. Üzen tota almağaç min Guberna Duma räise Viktor Sazonovqa yunäldem. Viktor Sazonovqa tübändäge soraw belän möräcäğät ittem:

“GTRKnı tatar citäklärgä tieş tügel” digän yazmalarğa niçek qarıysız, häm Firdüs Aliev Samar teleradiokompaniä citäkçelegennän azat iteldeme?

K etomu otnoşus' otritsatel'no. U nas i blizko ne stoit vopros, kogda opredelyaetsya mesto rabotı togo ili inogo çeloveka po kakim- to natsional'nım priznakam.

“Törle xäkimiät organnarında törle millät keşeläre eşli häm bu tabiği xäl! Berençe urında keşeneñ sälätlelege! Samar ölkäse – ul keçkenä Rusiä. Bez küpmillätle töbäk. Bezdä tınıçlıq, çönki milli mädäniätlar üseşen küzdä totqan programmalarıbız bar”,- dide Viktor Sazonov.

“Aliev ne snyat` s doljnosti! YÄ Wam ofitsial'no govoryu, Aliev ne snyat s rabotı. On rabotayıt v precney svoyey doljnosti.

Samar Guberna Duma räise Viktor Sazonov belderüençä, Firdüs Aliev GTRK citäkçelegennän töşerelmägän. Ul wazıyfaların başqara, eşendä.

Şamil Bahautdin, Samar.

XS
SM
MD
LG