Accessibility links

якшәмбе, 11 декабрь 2016, Казан вакыты 03:18

Ğiraqtan 1600 britan xärbie çığarılaçaq


Britaniä premyer-ministrı Tony Blair, aldağı aylarda Ğiraqtan 1600gä yaqın britan xärbie qaytaçaq, dip belderde. Bügenge köndä ildä 7100 britan ğaskärie xezmät itä. Parlamentta yasağan çığışında Blair, britan ğaskärläre üz waizfaların ğiraqlılarğa tapşırğannan soñ , ildä Ğiraq xärbi köçlärenä yardämgä qalaçaq, dip belderde.

"Ğiraqta qalaçaq britan xärbiläreneñ burıçları – Ğiraq köçlären öyrätü häm yardäm itü, Ğiraq-İran çigen häm yullarda iminlekne saqlaw, suğışçılarğa qarşı xärbi çaralar uzdıru bulaçaq."

AQŞ vise prezidentı Dick Cheney, Blairnıñ bu belderüen xupladı, ğaskär sanı qısqartıla ikän – dimäk Ğiraqta "xällär yaxşığa taba bara" dide Cheney. Üz ğaskärlären Ğiraqtan çığaruı turında Daniä dä iğlan itte. Premyer-ministr Anders Fogh Rasmussen, 460 Daniä xärbie üz wazifaların Ğiraq ğaskärlärenä tapşırıp, avgust ayına qadär Ğiraqtan kitäçäk, dip xäbär itte.

XS
SM
MD
LG