Accessibility links

дүшәмбе, 5 декабрь 2016, Казан вакыты 03:32

Deputattar töbäk başlıqtarına möräjäğät itä


Başqortostan parlamentınıñ bögöngö ultırışında Däülät yıyılışı Qoroltayźıñ il töbäktäreneñ däülät vlastärenä möräjäğäte qabul itelde. Bıl möräjäğättä Başqortostan deputattarı töbäktärźä başqort tele uqıtılğan mäktäptärźeñ yabılıuına borsolou belderä. Bıl mäsäläne täü başlap Bötä donya başqorttarı Qoroltayı kütärep sıqqaynı. Tik bögöngö möräjäğätte qabul itkändä ularźı parlament ultırışına la saqırmağandar, möräjäğätte yaźğanda la qıśıldırmağandar. Töbäktär başlıqtarına häm ildeñ mäğarif ministrı Andrey Fursenkoğa töbäp yaźılğan borsolou qağıźın Däülät yıyılışı- Qoroltayźıñ mäğarif, fän komitetı, mäźäniät häm Milli säyäsät, mäğarif ministrlığı belgestäre äźerlägän. Bötä donya başqorttarı Qoroltayı başqarma qomitetı başlığı Rumil Aźnabaev Azatlıq radiohı xäbärseheneñ horauına oşolay tip yauaplanı.

Başqortostan parlamentı ağzaları möräjäğätendä äyteleüensä, deputattar federal häm töbäk däülät xakimdarınıñ küp millätle Räsäyźä här xalıq mänfäğättären xästärläü, Milli säyäsät buyınsa alıp barğan eştären xuplay. Şul uq vaqıtta huñğı mäldärźä ildeñ başqorttar küpläp yäşägän töbäktärendä başqort mäktäptären yabıu modağa kergän. Respublika parlamentı Räsäyźä yäşägän başqort xalqı ösön ayırıusa auır bulğan oşo mäsälälä töbäktär deputattarınıñ qıśılıuın horay.

XS
SM
MD
LG