Accessibility links

Кайнар хәбәр

Xalıqara Atom İdaräse İran turında belderü yasadı


BMO Xalıqara Atom İdaräse bügen İran turında xisabın iğlan itte. Xisapta İran uran bayıtuın bilgelängän waqıtta tuqtatmadı dielgän. İranğa uran bayıtunı tuqtatır öçen 60 kön birelgän ide, waqıt 21 fivral çärşämbe könne çıqtı. Monnan soñ İranğa qarata İminlek Şurası tarafınnan dikaber ayında qabul itelgän çikläwlär kertelä ala. BMO general sekretare Ban Ki-moon, bu mäsälädä tirän borçıluın belderde.

"Min yañadan İrannıñ İminlek Şurası quyğan şartnı ütämägäne öçen borçılam, İminlek Şurası İranğa qarşı çikläwlär qabul itkän ide häm bez İran ul taläplärne ütär dip ömetlängän idek."

AQŞ däwlät sekretare Condoleezza Rice, dönya illäre İrannıñ uran bayıtuın tuqtatuı häm söyläşülärgä qaytuı öçen mömkin bulğan här çaranı küräçäk, dip belderde. Waşingtonnıñ İranğa höcüm itergä niäte yuq, dide Rice. Britan premyer-ministrı Tony Blair da İranğa barı tik diplomatik cawap bulaçaq, dip belderde. Tähranda bügen 100gä yaqın student atom programmasın yaqlap uramnarğa çıqtı.
XS
SM
MD
LG