Accessibility links

пәнҗешәмбе, 8 декабрь 2016, Казан вакыты 17:09

“Tuğan awılım”da soldat botqası


“Tuğan awılım” küñel açu üzägenä ğädäti könnärdä dä kübräk ir-atlar yal itärgä kilä dilär monda eşläwçelär. Ğädättä bäyräm çaraları küñel açu üzägeneñ eçendä uzsa, bu yulı “Tuğan awılım” qarşındağı mäydançıqta şawlaştılar. Cıyılğan xalıq arasında ğailäläre belän kilgännär, abzıylar-apalar, ölkän yäştägelär, xärbilär, yäş äle xärbi xezmättä bulmağan yegetlärdä bar ide. Qazandağı tank uçileçasında uquçı yäş xärbilärneñ fikerläre-uyları bäyräm tiräsendä äylände. Alar barsı da bu könne sälämnär äytergä aşıqtılar. Yözläre şat kürende, bäyräm uñayın saldıq inde dip tä quydılar. “Tuğan awılım”dağı “Äti belän küñelle” çarasınıñ töp geroyları ätilär ide, iñ äybät biyuçe, yaxşı futbol uynawçı abzıylarğa qimmätle büläklär birdelär. Uramda salqın buluğa qaramastan ike säğätkä yaqın “Tuğan awılım”nıñ qışqı mäydançığı görläp tordı. Şuşı çaranı oyıştıruğa cawaplı Rayaz Fasıyxov söyli: - 23 fevral' ul ätilär bäyräme dip beläbez bit inde. Şuña bez äti-änilärne, balalarnı bergä cıyarğa buldıq. “Tuğan awılım” peşekçeläre peşergän rizıqlar belän awız ittelär. Şunda uq xärbi atmosfera bulsın öçen uramda soldat botqası peşerelde. Bäyräm çarasında ber waqıtta berniçä alıp baruçı xalıqnı üzlärenä qaratırğa tırıştılar. “Äti belän küñelle” çarasınıñ maqsatı balalarnıñ ğailä başlığına, äti keşegä xörmäten arttıru, 23 fevral' ul xärbilärneñ genä bäyräme tügel, ä xalıqara ir-atlar köne itep tanıtu ide. Röstäm İsxaqi

XS
SM
MD
LG