Accessibility links

җомга, 9 декабрь 2016, Казан вакыты 05:05

Ğiraqta şığılar uram cıyını uzdırdı


8 meñgä yaqın keşe bügen tanılğan şığı ruxanie Abdel Ğäziz äl-Häkimneñ ulı Amar äl-Häkimneñ qulğa alınuına qarşılıq belderep uram cıyını uzdırdı. Amerikan ğaskärläre anı İran belän çik buyında comğa könne qulğa alğan ide. Amarnıñ ätise – şığılarnıñ iñ zur Ğiraqta İslam İnqilabı firqaseneñ Yuğarı Şurasın citäkli. Amerikan yağı qulğa alunı – çik buyında iminlek maqsatında "andıy xällär bulırğa mömkin" digän añlatma birde. Şundıy uq uram cıyınnarı Kerbala häm Basra şähärlärendä dä uzdı. Ğiraq eçke eşlär ministrlığı xäbär itüençä, cirle xärbi köçlär amerikan hawa köçläre yardämendä Bağdadnıñ tönyağında distälärçä ğısyançını yuq itkän. Ğiraq ğaskärläre Ğiraqtağı İslam armiäse başlığı Sääd Äkräm Xälifäne qulğa alğan. Ğısyançılarnıñ kübese – elekke Ğiraq citäkçese Säddam Hösäinneñ Baath firqase äğzaläre häm suğışçıları bulğan dip farazlana.

XS
SM
MD
LG