Cheney, ägär dä İran – atom däwläte bulunı saylasa – bu zur xata bulaçaq, dip belderde. Awstraliägä säfär barışında, vise-prezident, diplomatik söyläşülär awır şartlarda bara, ämma böten çaralar da küzdä totıla, dide:
"Bez Yevropa illäre häm BMO belän İranlılarnı nizaqnı tınıç yullar belän çişergä ügetlädek, bez östenlekne şuña biräbez. Ämma minem häm prezidentnıñ, nizaqnı çişüneñ başqa yulları da bulırğa mömkin dip äytkänebez bar ide."
Vise-prezidentnıñ bu qırıs belderüe aldınnan kiçä genä AQŞ däwlät sekretare Condoleezza Rice, İran wäkilläre belän oçraşıp här törle temağa söyläşergä äzer bulğanın äytkän ide. Monıñ öçen İran uran bayıtuın tuqtatırğa tieş, digän ide Rice.
Bu atnada BMOnıñ Xalıqara Atom İdaräse üzeneñ yaña xisabında, İran atom programmasın tuqtatmıy, kiresençä cäyelderä, dip iğlan itte. İran atom qoralın citeştermäwen häm BMO taläpläreneñ qanunsız bulğanın belderä.
Comğa könne İminlek Şurasında çığış yasağan İran wäkile Cäwäd Zarif, Tähran, atom programmasınıñ tınıç maqsatlarda tärräqi itüen isbatlar öçen barısın da eşläde, dip belderde:
"Programmabıznıñ tınıç bulğanın dälilläp bez Xalıqara Atom İdaräsenä tikşerülär uzdırırğa röxsät ittek. 2003nçe yıldan birle uzdırılğan tikşerülärdä – İran atom maddälären qoral yasar öçen qullanmıy, dielgän."
İranğa qarata nindi çaralar kürü turında söyläşü kiläse atnada Londonda ütäçäk. Anda İminlek Şurasınıñ daimi 5 äğzası häm Germaniä diplomatları cıyıla. Dikaber ayında İminlek Şurası, İranğa atom häm başqa zamança texnologiälärne satunı tıyğan ide.
Alsu Qormaş
"Bez Yevropa illäre häm BMO belän İranlılarnı nizaqnı tınıç yullar belän çişergä ügetlädek, bez östenlekne şuña biräbez. Ämma minem häm prezidentnıñ, nizaqnı çişüneñ başqa yulları da bulırğa mömkin dip äytkänebez bar ide."
Vise-prezidentnıñ bu qırıs belderüe aldınnan kiçä genä AQŞ däwlät sekretare Condoleezza Rice, İran wäkilläre belän oçraşıp här törle temağa söyläşergä äzer bulğanın äytkän ide. Monıñ öçen İran uran bayıtuın tuqtatırğa tieş, digän ide Rice.
Bu atnada BMOnıñ Xalıqara Atom İdaräse üzeneñ yaña xisabında, İran atom programmasın tuqtatmıy, kiresençä cäyelderä, dip iğlan itte. İran atom qoralın citeştermäwen häm BMO taläpläreneñ qanunsız bulğanın belderä.
Comğa könne İminlek Şurasında çığış yasağan İran wäkile Cäwäd Zarif, Tähran, atom programmasınıñ tınıç maqsatlarda tärräqi itüen isbatlar öçen barısın da eşläde, dip belderde:
"Programmabıznıñ tınıç bulğanın dälilläp bez Xalıqara Atom İdaräsenä tikşerülär uzdırırğa röxsät ittek. 2003nçe yıldan birle uzdırılğan tikşerülärdä – İran atom maddälären qoral yasar öçen qullanmıy, dielgän."
İranğa qarata nindi çaralar kürü turında söyläşü kiläse atnada Londonda ütäçäk. Anda İminlek Şurasınıñ daimi 5 äğzası häm Germaniä diplomatları cıyıla. Dikaber ayında İminlek Şurası, İranğa atom häm başqa zamança texnologiälärne satunı tıyğan ide.
Alsu Qormaş