Accessibility links

якшәмбе, 4 декабрь 2016, Казан вакыты 02:51

Samarda başqort möxtäriäte terkälde


Moña qadär Samar ölkäsendä başqort qorıltayı eşläp kilde. Bu oyışma ölkädäge 7 meñgä yaqın başqortlarnıñ mädäni ixtıacların qänäğätländerüne niät itep quyğan ide. Samarnıñ üzendä 1870 başqort terkälgän. Menä şul keşelärne başqort moxitenä tartunı küzdä tota möxtäriät. Oyışmanıñ citäkçese Zölxiccä xanım Şäräfetdinova söyli:

Ölkä qorıltayı belän şähär qorıltayınıñ ayırması yuq. İkese dä ber eşne alıp baraçaqlar. Bezneñ xäräkätneñ maqsatı – berençe etapta başqortlarnıñ barlığın belderü ide. Monı bez yırıp çıqtıq kebek. Maqsatıbız – başqort yäşläre ğoref – ğadätlärebezne belsennär, dinebez islam qanunnarı buyınça yäşäsennär ide.

Samar ölkäsendäge awllarnıñ xälläre niçek?

Samar ölkäsendä barlığı 8 başqort awlı bar ide. Alarnıñ sigezese dä saqlanğan. Läkin dä xäzer awllarda pensiä yäşendäge keşelär genä yäşäp yata. Barlıq mäktäplär yabılğan. Zur rus awllarına balalarnı 15-20 çaqrımğa taşıylar. Başqort tele öyränelmi, başqort mädäniätı öyränelmi. Bez barçabız da yuğalu qurqınıçı astında, şähärdäme ul, ällä awldamı? Awllarda eş yuq, yäşlär barçası da şähärgä küçä.

Minem: “ Samar ölkäsendäge başqort awllarınnan yäşlär Ufağa kitälärme?”- digängä Zölxiccä xanım: “Ufağa ayırım başkortpärvärlär ğına kitä. Uqırğa kitkän yäşlärebez kire äylänep qaytmıylar, Başqorstanda qalalar,”- di Zölxiccä xanım. Zölxiccä xanım äytüençä, “Yaqtılıq” mäktäbe direktorı Xaridä Daşkina mäktäptä parallel' başqort balalarınnan torğan klasslarnı açırğa rizalıq birgän, tik menä başqort ata- anaları balaların ğına kitermilär ikän.

Bügenge köndä Samar Duslıq yortında törle yäştäge 24 başqort 10 yäştän 60 yäşkä qadär başqort mädäniätı belän tanışalar, başqort cırların öyränälär.”

Şamil Bahautdin, Samar

XS
SM
MD
LG