Accessibility links

якшәмбе, 4 декабрь 2016, Казан вакыты 17:17

Tatarstannıñ çit illärdäge säwdä yortları häm oyışmaları kübäyergä tieş


27 fevral'dä Tatarstannıñ säwdä häm tışqı xezmättäşlek ministrlığında Tatarstan şirkätläreneñ säwdä yortları, çit töbäklärdäge, yaqın häm yıraq çit illärdäge wäkillekläre qatnaşında tügäräk östäl uzdı. Anda älege säwdä yortları häm säwdä wäkillekläre eşçänlegenä baya birelde, problemaları tikşerelde.

Bilgele bulğança, yaqın häm yıraq çit illärdä Tatarstannıñ 37 säwdä yortı, 22 säwdä wäkillege eşläp kilä. Säwdä häm tışqı xezmättäşlek ministrlığı yärdäme belän Tatarstan säwdä yortları Rusiä töbäkläre häm çit illärne “KamAZ”, Tatneft'”, “Näfis Kosmetiks”, “Xiton”, “Tataspirtprom” häm başqa açıq akcionerlık cämğiätläre citeştergän produktsiä belän tä'min itä. Säwdä yortlarınıñ 2006 yılğı eş näticälärenä qarağanda,yıldan–yıl alarnıñ tovar äyläneşe üsä bara. 2006 yıl yomğaqlarına qarağanda Säwdä yortları aşa 4 milliardtan artıq äyber satılğan. Şulay da qayber Säwdä yortlarınıñ eş näticälelege şaqtıy tübän ikän. Mäsälän, Pol'şa, Mari-El respublikaları, Novosibirski, Tomski ölkälärendä Tatarstan tovar citeşterüçeläreneñ produktsiäse bötenläy satılmıy. Şuña kürä, Tatarstannıñ Säwdä ministrlığı qayber säwdä yortları belän kileşü tözemäskä dä qarar itkän. Tügäräk östäldä söylängän mä’sälälärgä näticä yasap, Tatarstannıñ Säwdä häm tışqı xezmättäşlek ministrı Xafiz Salixov bolay dide

Härber kiñäşmäneñ näticäse bügen ük bula digän süz tügel, ämma barlıq säwdä yortları häm eşquarlar tarafınnan äytelgän täqdimnärne bez tormışqa aşıraçaqbız. Berniçä yıl elek kenä tözelgän säwdä yortları xäzer 4 milliard sumnan artıq äyber sattı. Ä kiläçäktä bez säwdä yortları belän kümäkläşep töbäklärdä säwdä oyışmaları tözergä dä uylıybız. Kiläçäktä dä bez älege säwdä yortları eşçänlegen üsterergä tırışaçaqbız.

Xafiz Salixov äytüençä, älege oçraşu Tatarstan şirkätläre citeştergän tovarnıñ tışqı bazarğa çığuına yärdäm itäçäk. Şulay uq, oçraşuda yaqın häm yıraq çit illärdä kiläçäktä säwdä yortları belän kümäkläşep säwdä oyışmaları tözü turında suz kütärelde.

Güzäl Zıyätdinova

XS
SM
MD
LG