Accessibility links

җомга, 9 декабрь 2016, Казан вакыты 14:43

“Tatarstan poçtası” Tatarstannıqı bulırmı?


Cıyılışnı ministr Färit Fazıylcanov doklat belän başlap cibärde. 2006 yılda Respublikada 100% käräzle elemtä urnaşqan. Şul räweşle abonentlar küläme Tatarstan xalqı küläme belän täñgälläşkän. Monnan tış respublika oyışmalar internetqa totaştıru ölkäsendä dä, zur adımnar yasalğan. Çığış öçen süz “Tattelekom” oyışması citäkçese Şafiğullin Lotfulla birelgäç, bu ölkädä bar da al da göl tügel ikänlege açıqlana başladı. Uzğan yıl Tattelekom belän GTS, Şähär telefon elemtä çeltäre bergä quşılğannan soñ oyışma yıllıq kerem kürsätkeçläre bermä ber artqan. Alay da respublikada rayonnarında bu ölkädä eşlänäse eşlär küp, häm älbättä Tatarstan xökümätennän bu sorawlarnı xäl itärgä yärdäm kiräk. Mondıy yärdämne Röstäm Minnexanovtan, Tattelekom citäkçese Şafiğullin Lotfulla äfände cıyılışta açıq itep sorarğa buldı.

Älege utırışta respubliqa rayonnırında elemtä sistemaların sifrlaştıru, yañartu mä’säläsendä kütärep çığırğa kiräkter. Bügenge köndä Çallıda, Bögelmädä, Tübän Qama, Älmät, Zäydä elemtä sistemaların almaştırırğa kiräk. Bu eşlärgä 500 million sumğa yaqın aqça kiräk.

Tatarstan premyer-ministrı Röstäm Miñnexanov isä, Tattelekomğa matdi yärdäm kürsätergä aşıqmıy. Bez yaña sistemalar urnaştırıp, alarğa tayanıp qına eşlärgä tügel, bügenge köndä urnaştırılğan, elekke sistemalarda eşlärgä öyränergä tieşbez dip belderde.

Älbättä mondıy külämle proyekt aqçasız tormışqa aşıra almıy, här oyışmağa östämä material' yärdäm qoma şawlamas ide. Aqça turında cıyılışta Röstäm Miñnexanov menä ni dide.

Bez aqçanı añlı räweştä tatırğa tieşbez. Maqsatı bulmağannarğa naçar, ä bezneñ maqsat bar. İñ möhime aqçanı döres itep bülergä. Ä aqçanı iñ döres itep min büläm, spurlaşmagıyz da. Ägär aqçağıznı bülä belmisez ikän, bez yärdäm itärbez.

Respubliqa premyer ministrı Röstäm Miñnexanov Komp'yuter cıyuçı şirkät “ICL- KPO VS” oyışması citäkçese D'yatko Viktor Vasil'yeviç täqdimnären, xupladı. Vitor äfäfnde, Tattelekom citäkçelege sıman matdi yärdäm soramıy, ä yäş belgeçlärne uqıtu, alarnı eş belän tä'min itü mäsäläsen kütärep çıqtı. Premyer ministr “Bez bu mä’sälägä qarağan proyektlarnı tormışqa aşırırğa yärdäm itärgä äzer” dip belderde.

Utırışta, şulay uq küplärne borçığan “Tatarstan poçtası” mä’säläse dä kütärelde.İsegezgä töşeräbez, inde berniçä yıl artıq Rusiä Tatarstan poçtasın üzenä buysındırmaqçı bula. Bu mä’sälägä Röstäm Miñnexanov ta bitaraf tügel. Utırışta ul bu xaqta ul menä ni dide.

Federal' xezmättäşlärebez üzeneñ köçen faydalanıp, bezneñ oyışmanı buarğa tırışa. Rusiä tik torğannan Tatarstan oyışmasın üzeñne itä almıy, bu xoquqsız ğämäl. Respublikada federal poçta açsınnar, bez qarşı tügel bit, oçraşıyq, söyläşik, konkurentsiä bulu äybät kenä. Bezneñ üzebezneñ poçta belän problema yuq. Ul yaxşı ğına eşli, annı federal yasasaq ul talğında yaxşıraq eşli başlamayaçaq. Eş urınınnan faydalanıp, keşe äyberen üzeneke itü, beräwgä dä röxsät itelmägän. Bez “Tatarstan poçtasın” saqlıp qaluda nıq toraçaqbız.

2006 yılğa “Tatarstan poçtası”nıñ yıllıq kereme 55 % artıp, 30 million sum täşkil itkän. Tatarstan poçtası üzen üze aşatırlıq.

Ğadel Galämetdinov

XS
SM
MD
LG