Accessibility links

җомга, 9 декабрь 2016, Казан вакыты 01:14

Çallıda ruxi mirasnı öyränüçe yaña üzäk eşli başladı


Rusiädä qabul itelgän milli proyektlarnıñ berse mäğärif ölkäsenä qarıy. Mäğärif programması Rusiäneñ üzendä, Tatarstanda, şul isäptän Çallıda da uqıtu-tärbiä eşendä küpyäqlı üzgäreşlärgä, yañalıqlarğa yul açtı. Şuşı üzgäreşlärneñ berse ayırım töbäklärdä ruxi mirasnı öyränä başlaw tendensiäsendä dä küzätelä. Döres, tatarnıñ ruxi mirasın öyränüdä moñarçı da baytaq eşlär başqarıldı, eşlänäse dä küp äle. Ruxi mirasnı öyränü fänni nigezläw belän başqarılırğa tieş, dip sanıy Faqil Safin. Faqil äfände Çallı şähäre mäğärif idäräse qarşında oyıştırılğan ruxi mirasnı öyränü buyınça fänni-metodik üzäkneñ berençe citäkçese. Ul bu eşkä Tatarstan yazuçılar berlege räise urınbasarı wazıyfalarınnan soñ kilde. Faqil Safin yaña Üzäkneñ maqsatları, burıçları xaqında bolay di:

"Çallıda yäşäwçe xalıqlarnıñ ğöref-ğadätlären, yolaların, bäyrämnären, alarnıñ mädäni, tarixi bağlanışların öyränü buyınça şaqtıy eş başqarıla. Ämma läkin qänäğätlänergä irtä, çönki bu eş entuziazmğa qorılğan ide häm alda başqarılası çaralar küp. Xäzer mäğärif idäräse bu eşne tärtipkä salunı kön tärtibenä kiterep quydı.

Bez ädäbi, tarixi miraslarnı, rässamnar, kompozitorlar mirasın öyränäçäkbez. Häm şuşı öyränelgän materiallarnı balalarnı uqıtu protsessında qullanu küzdä totıla. Menä şularnıñ barısın da fänni metodik ezgä salırğa kiräk."

Tatar xalqınıñ ruxi mirasın öyränü buyınça yaña tözelgän Üzäk räise, yazuçı Faqil Safin şuşı Çallı miraslarnı barlaw belän çiklänergä uylamıy. Bu könnärdä ul, misal öçen, Balıq Bistäse rayonında bulaçaq.

Ğafiulla Ğaziz, Çallı

XS
SM
MD
LG