Accessibility links

Кайнар хәбәр

WSJ: Rusiä Yaqın Könçığışta eşçänlegen arttıra


Soñğı yıllarda energiә çığanaqları satudan iqtisadıy quәte kөçәyep kilgәn Rusiә xalıqara mәsәlәlәrdә dә, bigrәk tә Yaqın Kөnçığışta üzeneñ eşçәnlegen nıq arttırdı. Şul turıda WSJ basmasınıñ Rusiәneñ Yaqın Kөnçığıştağı eşlәre dip atalğan mәqәlәse.

WSJ mәqәlәse AQŞ Irannı hәm anıŋ atom programmasın awızlıqlarğa tırışqanda yaña qarşılıqqa oçrıy. Xәlle Rusiә Yaqın Kөnçığışta dilbegәlәrne hәm bazarlarnı üz qulına alırğa teli dip başlana.

Anda Quşma Ştatlar belәn Russiә uzğan kөzdә Irannıŋ atom programmasın awızlıqlaw maqsatındağı BMO Iminlek Şurası resolütsiәse turında bәxәslәşkәndә Mәskәwneŋ başqa yaqlap eş itüe, Irannıŋ uran bayıtu qorılmasın hәm atom tikşerülәre qorılmaların saqlaw өçen Tәhranğa 700 million dollarlıq hawa hөcümennәn saqlanu sistemaları satuı, Iran xәrbilәren alarnı qullanırğa өyrәtüe turında yazıla.

Alğa taba mәqәlә bolay dip dәwam itә. Neft satudan hәm iqtisadı kütәrelüdәn kөçәyep kitkәn Kreml xәzer üzeneŋ dөnyakülәm rolen yaŋadan qaytarırğa hәm Quşma Ştatlarnıŋ bigrәk tә Yaqın Kөnçığışta kürengәn quәtenә qarşı çığarğa teli.

Tөbәktә üzeneŋ tәesiren yaŋartırğa telәwçe Mәskәw sovet çorınnan qalğan milliardlarça dollar burıçlarnı sızıp taşladı hәm Waşingtonnıŋ borçuların arttırıp anda keremle energiә, qoral satu eşlәrenә kereşte. AQŞ hәm Izrail rәsmilәre uzğan cәydә Izrail belәn Xizbulla arasındağı suğıştan soŋ Kremlneŋ Xizbullağa qoral satuğa yul quymaw turındağı wәğdәlәrenә qaramastan AQŞ hәm Izrail rәsmilәre Rusiәneŋ tankka qarşı minalarınıŋ Süriә aşa Libandağı Xizbulla suğışçılarına kilüe turında işarәlәr bar di.

Rusiә şulay uq AQŞ terrorçı tөrkem dip sanağan fәlestin suğışçan tөrkeme Xәmas belәn elemtәlәr urnaştırıp ta Waşingtonğa qarşı çıqtı.

WSJ Rusiәneŋ üz üzenә ışanğanlığın kürsәtüçe iŋ qatı misal Iranğa qarata mөnәsәbәte di.

Bush idarәse Mәskәwneŋ Iranğa soŋğı yıllardağı iŋ zir qoral satuın tuqtatırğa tırışa. Uzğan cәydә Libanda bulğan suğış Tәhrannıŋ Xizbulla kebek suğışçan tөrkemnәrne yaqlawı artuın kürsәtte. AQŞ Iranğa qarşı tөrle çaralar kürgәndә, Rusiә bөtenlәy başqaça eş itә.

Uzğan kөzdә AQŞ belәn Yewropa illәre Irannıŋ atom programmasına qarşı qatı çiklәwlәr kertergә tırışqanda Rusiә 4 ay buyı BMO Iminlek şurasındağı veto xoquqın alarğa kirtә quyu өçen faydalanıp kilde.

Axır çiktә dikәber ayında Rusiә Irannıŋ atom hәm hәm qanatlı raketalar programmalarınıŋ ber өleşenә genә qarağan küpkә yomşağraq resolütsiәgә rizalaştı.

Mәqәlә axırında bu iran өçen kөtelmәgәn adım buldı, әmma Rusiә yuğarı dәrәcә sәfәrlәr oyıştırıp, hawa hөcümennәn saqlanu raketaları belәn tәemin itep tiz genә Tәhran belәn mөnәsәbәtlәrne yaxşırtu eşenә kereşte dielә.

Naif Aqmal
XS
SM
MD
LG