Öfölä narkotiktar haqlau häm hatıu menän şöğöllängän militsioner öśtönän xököm qararı iğlan itelde. Mäxkämä unı ğäyeple tip tabıp, 5 yılğa xököm itte. Elekke xoquq haqlau organı xeźmätkäre yaza waqıtın qatı xoloqlo koloniyala uźğarasaq. Öfönöñ Kalinin rayon eske eştär idaralığında maşina yörötöüse bulıp eşlägän bıl keşe üźeneñ militsioner bulıp eşläüenän fayźalanıp töngö dejur mäldärendä narkotik qullanıusılarźan geroin häm başqa tör narqotiktarźı tartıp alıp unı üźe başqalarğa hatıuźı yayğa halğan bulğan. Maxsus xeźmättär unıñ bıl şöğölön asıqlay häm dekabrźä qulğa ala. Totou mälendä militsioner qoraldaş duśtarına ut asa. Başqortostanda narkotiktar menän qanunhıź sauźanı kämeteü mömkin tügel tip beldereüźärenä oşo la ber miśal. Bıyıl ğinuarźa ğına la respublika bilämälärendä narkotik hatıusı 100 keşe totolğan. Eske eştär ministrlığı mäğlümättärenän küreneüensä, yıl aźağında aq ülem qullanıuźan 30 keşe ülgän. Başqortostanda räsmi räüeştä 5 meñ narkoman iśäptä tora. Ämmä ısınbarlıqta ularźıñ hanı 80-100 meñgäsä etä tip iśäpläy bıl narkoqüźäteü idaralığı başlığı Valeriy Koqin. Respublika timer, vtomobildär yuldarı, osqostar tuqtalışı yähätenän narkotik taşıusılar ösön uñaylı töbäk. Räsäyźeñ üźägenä Könyaq– könsığış häm Urta Aziyanan üteü yuldarı respublika bilämäläre aşa ütä.
