Milli Qurqınıçsızlıq Şurası (MQŞ) utırışınnan soñ iğlan itelgän belderüdä Ğiraqtağı Kördlär belän dä säyäsi dialog alıp baru mäsäläse uylanılırğa tiyeş dielgän ber äytem bar ide. Ämma bu MQŞ-nıñ xärbi qanatınıñ qaraşın çağıldırmawı hämmä keşegä mäğlüm ber fakt. Törkiädä Ğiraqtağı Kördlär turında ızğışnıñ quyıruwı öçen küpçelek Törkmännär dä yäşäğän Kirkuk şähärendä ozaqlamıy ütkäreläçäk referendum dä möhim etärgeçlärneñ bere. Kördlär şuşı referendum aşa bu şähärneñ körd şähäre buluın isbatlamaqçı, şunıñ öçen biregä küpläp Körtne küçerep urnaştıralar. Tege yaqtan idän astı teror oyışması PKK-nıñ Tönyaq Ğiraqta urnaşuı häm biredän torıp partizannarınıñ Törkiägä ütep kerüläre Ankaranı borçığan başqa ber fakt. Östäwenä Kördistan Rayonı Citäkçese Mäsut Barzaninıñ MQŞ-nıñ belderüendä Kördlär belän dialog turında äytelüwenä şatlanuın, läkin General Ştab başlığı Armiä Generalı Yaşar Büyükanıt bezneñ belän dialognı kire qağa ikän, ul anıñ üz eşe, İran belän Törkiä Kördlärneñ bäysez däwlätkä iä bulu xaqı fikerenä iläşergä tiyeşlär dip belderüe Törkiädä köçle debatlar quptardı.
Barzani NTV televiziäsenä birgän intervyüsendä “PKK-nı bez kontrol itä almıybız. PKK-nıñ Diyarbakır, Van xätta İstanbulda buluınnan sezme cawaplı? dide. Ul däwam itep, Törkiä Saddam çorında Törkmännär belän Kördlär köçläp ğäräpläşterelgändä nigä däşmäde? digän soraw da birde. Şuşı intervyüdän soñ Premier Erdoğan Ğıraqqa vizit yasawdan vaz kiçte. Teror belän köräş öçen AQŞ belän urtaqlaşa tözelgän koordinatsiä byurosınıñ Törek yağı citäkçese pensiädäge armiä generalı Edip Başer “Kördlär belän söyläşü tik fayda kitersä genä mömkin, bu bulmasa üzeneñ kördlär belän söyläşergä cıyınmawın, köçläsälär vazıyfasınnan çigenäçägen belderde.
28 Fevraldä isä Törkiädäge Kördlärneñ säyäsi partiäse Demokratik Cämiyät Partiäse DTP-nıñ ğädättän tış qorıltayı ütkärelde. Qorıltayda qabat Ahmet Törk partiä citäkçese itep saylandı. Ul çığışında Törkiädäge 20 millionlıq Kördneñ dialog häm tınıçlıq yaqlı buluwın äytte. DTP-nıñ niçä byurosında polistiä tentü ütkärde, qayber ağzalar küz sağı astında, şulay uq Ahmet Törk belän yardämçese Aysel Tuğluk säyäsi partiä qanunın bozğan häm PKK-nıñ törmädäge citäkçese Abdullah Öcalannı maqtağan öçen 1,5 yıl törmä cazasına xökem iteldelär.
AQŞ tışqı eşlär ministere Codoleezza Ricenıñ Washingtonda senat komisiäsendä senator Wayne Allarnıñ “Ğıraqtağı Kördlär belän Töreklär arasında qayber söyläşülär bula ikän. Bu turıda mäğlümät birsägez ide!” digän taläbenä Rice “Bu xäbär bezneñ teroristlar isemlegenä kertkän PKK turında. Törkiä belän Kördistan arasındağı çiktä eşçänlek alıp barğan PKK Törkiä eçendä höcümnär öçen çawaplı” dip cawap qaytarğan. Menä anıñ Törkiäneñ kürşese Ğiraq urınına Kördistan äyteme qullanuı Törek yağı tarafınnan AQŞ inde biredä Kördistanı tözegän, monı iğlan itäse genä qalğan dip bäyäläde. Xätta Yustitsiä ministere Cemil Çiçek reaksiä kürsätte. Törkiädäge reaksiä säbäple AQŞ-nıñ Ankaradağı böyek ilçelegennän ber belderü yasaldı. Şuña kürä Rice Ğıraq Kördistanı urınına yalğışıp tik Kördistan dip äytkän bulırğa tiyeş digän añlatma kilde. Qısqası tik bu vaqıyğä dä Törkiäneñ bu mäs’älädä nindi sizger buluwın kürsätä.
Äxtäm İbrahim, İstanbul
Barzani NTV televiziäsenä birgän intervyüsendä “PKK-nı bez kontrol itä almıybız. PKK-nıñ Diyarbakır, Van xätta İstanbulda buluınnan sezme cawaplı? dide. Ul däwam itep, Törkiä Saddam çorında Törkmännär belän Kördlär köçläp ğäräpläşterelgändä nigä däşmäde? digän soraw da birde. Şuşı intervyüdän soñ Premier Erdoğan Ğıraqqa vizit yasawdan vaz kiçte. Teror belän köräş öçen AQŞ belän urtaqlaşa tözelgän koordinatsiä byurosınıñ Törek yağı citäkçese pensiädäge armiä generalı Edip Başer “Kördlär belän söyläşü tik fayda kitersä genä mömkin, bu bulmasa üzeneñ kördlär belän söyläşergä cıyınmawın, köçläsälär vazıyfasınnan çigenäçägen belderde.
28 Fevraldä isä Törkiädäge Kördlärneñ säyäsi partiäse Demokratik Cämiyät Partiäse DTP-nıñ ğädättän tış qorıltayı ütkärelde. Qorıltayda qabat Ahmet Törk partiä citäkçese itep saylandı. Ul çığışında Törkiädäge 20 millionlıq Kördneñ dialog häm tınıçlıq yaqlı buluwın äytte. DTP-nıñ niçä byurosında polistiä tentü ütkärde, qayber ağzalar küz sağı astında, şulay uq Ahmet Törk belän yardämçese Aysel Tuğluk säyäsi partiä qanunın bozğan häm PKK-nıñ törmädäge citäkçese Abdullah Öcalannı maqtağan öçen 1,5 yıl törmä cazasına xökem iteldelär.
AQŞ tışqı eşlär ministere Codoleezza Ricenıñ Washingtonda senat komisiäsendä senator Wayne Allarnıñ “Ğıraqtağı Kördlär belän Töreklär arasında qayber söyläşülär bula ikän. Bu turıda mäğlümät birsägez ide!” digän taläbenä Rice “Bu xäbär bezneñ teroristlar isemlegenä kertkän PKK turında. Törkiä belän Kördistan arasındağı çiktä eşçänlek alıp barğan PKK Törkiä eçendä höcümnär öçen çawaplı” dip cawap qaytarğan. Menä anıñ Törkiäneñ kürşese Ğiraq urınına Kördistan äyteme qullanuı Törek yağı tarafınnan AQŞ inde biredä Kördistanı tözegän, monı iğlan itäse genä qalğan dip bäyäläde. Xätta Yustitsiä ministere Cemil Çiçek reaksiä kürsätte. Törkiädäge reaksiä säbäple AQŞ-nıñ Ankaradağı böyek ilçelegennän ber belderü yasaldı. Şuña kürä Rice Ğıraq Kördistanı urınına yalğışıp tik Kördistan dip äytkän bulırğa tiyeş digän añlatma kilde. Qısqası tik bu vaqıyğä dä Törkiäneñ bu mäs’älädä nindi sizger buluwın kürsätä.
Äxtäm İbrahim, İstanbul