Accessibility links

якшәмбе, 11 декабрь 2016, Казан вакыты 13:10

Rusiä eçke eşlär ministrı Räşit Nurğalievnıñ räsmi säfäre däwam itä


28 fevral üzäk massaküläm mäğlümat çaralarında, Tatarstan prezidentı urına Rusiäneñ Eçke eşlär ministrı Räşit Nurgaliev bilgelänäçäk digän xäbär yañğıradı. Qızu yañalıq tiz tarala, inde şul uq könne Qazan uramnarında bu turıda söyläşülär işetergä buldı. Qazan xalqı, Nurğaliewneñ älege säfären xäzerge eşe belän bäyle tügel, ä Tatarstan belän yaqınnanraq tanışu säfäre kebek qabul itte. Cil ismi yafraq selkenmi dilär bit, şuña kürä xalıq ta bu imeş mimeşlärgä ışana qaldı. Ämma Tatarstannıñ räsmi mäğlümat çaraları beldergänçä, Räşit Nurgaliev ber dä Qazan belän tanışıp yörmi, ä barı üzeneñ hönäri eşçänlegenä qarağan mäsällärne çişep yöri. Tatarstan curnalistların da Prezident almaşudan bigräk başqaçaraq, mona bik ük qağılmağan mäs'älär borçı.

Pänceşämbe irtän, Rusiä eçke eşlär minitrı Qazan metropolitenı militsiäseneñ yaña bülegen açıluında qatnaştı. Soñraq ministrınıñ säfäre Qazan yuridik institutınıñ yaña binasın açu tantanasında däwam itte.Tantanada Tatarstan Prezidentı Mintimer Şäymiev, Respublika Eçke eşlär ministrı Äsgat' Säfärov, ministrlıq bülekçäläre citäkçeläre häm başqalar qatnaştı.

Yaña institutta uzğan kiñäşmädä Räşit Nurğaliewneñ xoquq saqçıların tärbiäläwgä qağılışlı töp fikere mondıy buldı. Mäkerle eşlärne açar öçen, cinayätçelärdän berniçä adım alda barırğa kiräk, xoquq saqçıları mäktäptä ük xäl itelergä tieş dide ministr.

Räşit Nurgaliev Rusiä Eçke eşlär ministrlığınıñ yuğarı häm urta hönäri belem birü uçrejdenieläre başlıqları belän uqu-metodik cıyınnarda da qatnaştı. Ul anda “Rusiä Eçke eşlär ministrlığınıñ belem birü sisteması üseşe östenlekläre häm yunäleşläre” temasına doklad belän çığış yasadı. Kiñäşmä qısalarında eçke eşlär orğannarı öçen belgeçlärneñ hönäri äzerlegen qamilläşterü, xoquq saqlaw sistemasıyndağı belem birü uçrejdenielärendä uqu protsessı barışında praktik yunäleşne köçäytü kebek möhim mäs'älälär tikşerelde.

Kön bik tığız buluğa qaramastan, Räşit Nurgaliev Yärminkä mäydanında uzğan Qazan militsiä garnizonınıñ töz yörü küreneşen küzätergä dä ölgerde.

Säfär däwamında Räşid Nurgaliev Eçke eşlär ministrlığınıñ Mirnıy bistäsendä urnaşqan, xärbi uqıtu üzägendä Qazan militsiäse maxsus bülekçäseneñ xärbi uquların küzätäçäk.

Ğädel Galämetdinov

XS
SM
MD
LG