Accessibility links

Кайнар хәбәр

Tatarstan yazuçılarınıñ yıllıq cıyılışı ütte


Ädäbi yıl yomğaqları cıyılışına berlekneñ 321 äğzäseneñ 183-se kilgän ide. Cıyılış başlanğançı uq aqsaqallar üz fikerlären belderergä tırıştı.

Elekke kebek ah itärlek äyberlär uqırğa turı kilmäde.

di yazuçı Waqif Nurullin. Tatarstan yazuçılar berlege räise İlfaq İbrahimov üzeneñ çığışında, uzğan yılğa yomğaq yasap, başqa yıllarda bu qädär küp çaralar ütkärelgäne yuq ide, dip äytte.

Mädäniät häm sänğät yılı çaralarnıñ moña qädär bulğan yıllar belän çağıştırğanda küplege belän tarixqa kerep qalaçaq. Tuqay häm Cälilneñ tuuına 120, 100 yıl tulu, başqa kürenekle şäxeslärgä bağışlanğan distälärçä häm yözlärçä çaralar Tatarstanda, Mäskäw, Peterburda, Rusiäneñ bik küp töbäklärendä çit illärdä ütkärelde.

Berlek räise uñışlarnı da barladı. Yosıf baletın quyuçılarnıñ Rusiä däwlät premiäsenä layıq buluın äytte, Tuqay häm Cälil büläge iälären dä barladı. Tatarstan prezidentı Mintimer Şäymievneñ “Qazan utları” jurnalındağı äñgämäsendäge täqdimen- däwlätneñ distä yılğa alğa qarap ädäbiätne häm sänğätne saqlap qalu programmasın buldıru kiräklegenä dä basım yasadı.

Yazuçılar berlegendäge käläm iäseneñ 52 protsentı pensiä yäşendä ikän. Ä 50 yäşkä qädär yazuçılar nibarı 23 protsentnı ğına täşkil itä.

Sacidä Söläymanova isemendäge stipendiälärne iñ berençe çiratta yäşlärgä bilgeläwebez häm 24 yäşlek Linar Şäyexne yazuçılar berlege äğzası itep aluıbız bu yäşlärgä ışanıç kürsätüebez häm cawaplılıq yökläwebez bulıp tora.

Berençe zur problema ul- yäş ädäbiätçelär tärbiäläw bulsa, ikençese basılğan kitaplarnıñ yazmışı. Kitapxanälärdäge matur ädäbiät fondınıñ 60-70 protsentı tuzğan ikän. Ädäbiätne tärcemä itü dä aktual' mäqälälärneñ berse bulıp qala.

V sosedney Başqortstanı gonorarı za izdannıyı knigi prevıyşaet 2,5-3 raza

di berlek räise. Annan soñ berlekneñ bülekläre isemennän çığış yasawçılar süz aldı. Şiğriättän Äxmät Räşit üzeneñ çığışında uzğan yılda poema janrınıñ berqädär torğınlıq kiçerüen äytsä, proza eşçänlegen yaqtırtqan Läbib Leron, Mirsäy Ğarif, İskändär Siraci häm İldus Xucinnarnı uzğan ädäbi yılnıñ Yaña isemnäre dip atadı. “Balalar ädäbiäte-millät üseşeneñ lakmus käğäze” dip beldergän Rawil Raxmani, balalar ädäbiäte digän töşençägä anıqlıq kertergä 3 yäşleklärne 14 yäşlektän ayırıp qararğa waqıt citkänlegen äytte.

Tatarstan premyer-ministrı urınbasarı, mädäniät ministrı Zilä Wälieva, uzğan ädäbiät häm sänğät yılında yazuçılar bik küp çaralarda qatnaşıp, icadi yul belän, ssenariylar yazıp yärdäm ittelär, dide. Alarnıñ bu xezmäte öçen naçar tülänmäwen dä assızıqlap, alğa taba da yazuçılarnı mondıy eşlärgä cälep itü yulları turında uylarğa kiräklegen äytte. Zilä Wälieva gonorarlar problemasın da iğtibarsız qaldırmayaçaqbız, dide.

Vitse - premyer çit töbäklärdäge yazuçılarnıñ da iğtibarsız bulmawın äytep uzdı. İñ ähämiätlese, kitap belän tä'min itü mäqäläsendä, kitap yuq dip zarlanular häm çıqqan kitaplarnıñ satılıp betmiçä yatuına kilgändä marketing qanunnarı nigezendä soraw belän täqdimne caylarğa kiräk, dide.

Nail Alan

XS
SM
MD
LG