Accessibility links

якшәмбе, 11 декабрь 2016, Казан вакыты 03:17

Qazanda “Azatlıq” radiosın yaqlap piket uzdı


Ğädättä tatar ictimaği üzäge ağayları piketlar ütkärer öçen başqalanıñ İrek mäydanın saylıylar ide. Bu yulı Marat Mölükov isemendäge tatar ictimaği üzäge Qazannıñ bocrasında, Lev Gumelev häykäle qarşına basıp tatar xalqın “Azatlıq” öçen köräşergä çaqırdılar. Qayberäwlär alarnı Xäter könendäge kebek: “Bäysezlek, azatlıq!” - dip qıçqırırlar inde tağın dip uyladılar. Yuq, alay bulmadı, Süz milli canlı “Azatlıq” radiosı turında bara ide. Aq qara belän: “Mäskäw, tatar telle radio-televideniälärne yuqqa çığarudan tuqta!”- dip yazılğan käğäz kisäge totqan Yunıs Kamaletdinov söyli: - Uzğan atnada bezneñ tatar ictimaği üzägenä Tatarstannıñ törle rayonnarınnan “Azatlıq” radiosı öçen borçılıp xatlar kilde. Şuña bez xalıq täqdimnären iskä alıp piket uzdırırğa buldıq. Çönki tatar telle radio-televideniälärne qısqartu bara. Tatar ictimaği üzäkläre bu piket belän genä tınıçlanmıylar ikän äle, Yunıs Kamaletdinov söyläwen däwam itä: - Bu ele bezneñ eşneñ başı ğına! Anıñ yänäşäsendäge abzıylar da süzgä quşıldılar: - “Azatlıq”nı kire qaytarırğa, monı böten Tatarstan telärgä tieş. Alar kütärgän mäs'älälär ul äle “Azatlıq” radiosınıñ efir waqıtı qısqaruğa borçılu ğına tügel ide. Mäskäw belän Tatarstan arasındağı şartnamä yazmışı respubliqa faydasına xäl itelsen, islam dinendägelärne ezärlekläwne tuqtatırğa digän şiğarälär dä kürende. Qazan üzägendä qarşılıq çarasında qatnaşuçılar küp tügel ide. Alar yanına jurnalistlar da az kilde, interv'yu aldı. Ul arada xoquq saqçıları piketçılarnıñ aq qara belän yazılğan şigärälären bloknotlarına küçerä bardılar. Başqala üzägendä törle yaqtan yazılğan xalıq alarğa iğtibar itte, läkin artıq ähämiät birmäde kebek. Şiğarälär totqan abzıy-apalarnı çittän piketçılarğa quşılırğa ikelängän, kiläçäktä üzläre dä uramğa çığıp qarşılıq kürsätergä teläwçelär kürende. Tatar ictimaği üzäge oyıştırğan bu çaranı şikelle başqa mäs'älär buyınça da xalıqnı mäydanğa çaqıruçılar bulaçaq di alar. Läkin älegä üzläreneñ kem ikännären äytmädelär. Röstäm İsxaqi

XS
SM
MD
LG