Ramil'' Xäbriev ğäyeple, dip tögäl genä äytä almıym. Däwlät teläsä tärtipne urnaştırıp bula, ägärdä teläsä. Telämilär dip äytmäsäñ dä, teläk citmi dip äytsäk döresräkter.
Küpme qartlar, suğış invalidları, alar sanawlı ğına bulsa da , alay da alarnı tulısınça tä''min itmilär. Ul bit inde oyat digän süz.
Xäzerge awırular- onkologiä, tuberkulez awıruları belän awırğannarnı da tä''min itä almıylar.
Dekaber ayınnan birle darularnı birgännäre yuq. Alıp bulmıy , l''gota yuq. Prezidentnı ğäyepläp bulmıy. Meditsinadağı çinovniklar ğäyeple dip uylıym. Xäbrievme, Zurabovmı, barısı da bäylängän bit inde. Bersen genä töşerep bezgä fayda bulsa äybät tä bit , bulamı yuqmı anı kem belä inde.
Xökümät alıp barğan bezneñ ilneñ sisteması ğayeple. Bez uylıybız, däwlät ğäyıple, dip. Ramil'' Xäbriev ul qararlarnı ütäwçe genä , dimäk ul ğayıple tügel. Añardan zurraq toruçı keşelär, gäyeple, dip uylıybız.
Finanslar başqa yullar belän kitä.
Xökümät ğäyeple.
Ul mäs’äläne berwaqıtta da tikşergänem yuq. Kem ğäyeple, kem ğäyeple tügel . Min şunsın ğına äytä alam, ägärdä inde keşe eşlägän ikän däwlätkä canın -tänen birep, ul xäzer däwlättän alırğa da tieş. Minemçä, Zurabovnıñ üzen almaştırırğa kiräk. Küptännän bit inde gäyep ber Xäbrievtä genä tügel . Xätta Prezident berniçä tapqır Zurabovqa şeltä belderde. Arba haman ber urında, alğa kitü yuq.
Buşlay birelä torğan darularnıñ 90 protsentı çit ilneke bulıp çıqtı. Anı ällä belmägännärme. Anı böten keşe belde. Ni öçen aldanraq uylamağannar?
Putin äytte menä kiçä dä utırışta, berençe urında uylarğa kiräk darularnı üzebezdä citeşterergä,- dip. Ul arzanraqqa da töşä. Bu tağın ber märtäbä kürsätä inde, däwlätneñ bu programmanı qabul itüdä uylap betermägänleklären. Şunıñ näticäse bu. Bu närsäne oyıştırğan keşe ğayıple. Zurabovtan başlap başqa keşelärgä qädär. Alar böten üzläreneñ oyıştıra belmäwçelekne Xäbrievneñ östenä awıştırıp qaldırdılar inde.
Mälikä Basıyr
