Accessibility links

дүшәмбе, 5 декабрь 2016, Казан вакыты 21:49

Mäsetle rayonında qumıźsılar häm özläüselärźeñ respublika bäygehe ütte


Sänğät äheldäre unı ,,Tarixi waqiğa,, tip atanı. Qumıź boron–borondan qatın–qıźźar häm balalar ösön täğäyenlängän uyın qoralı tip hanalğan. Sixri moñ, ğäźättä, aulaq öyźärźä yañğırağan. Sönki qumıź tauışı halmaq qına ağıla, yıraqqa işetelmäy. Xäźer ihä bıl uyın qoralı üśeşä bara, ti ośtalar. Mäsetlelä qumıźsılar häm özläüselär berense tapqır ayırım bäygegä yıyıldı. Bıl saranıñ töp ähämiäte şunda, tip bildäläy oyoştorousılar. Olo yıyında respubliqanıñ 30–ğa yaqın töbägenän, şulay uq kürşe Siläbe häm Hamar ölkälärenän dä bik küp ośtalar qatnaştı. Bäygeneñ Mäsetle erendä ütkäreleüe lä osraqlı tügel. Töbäktä borondan qumıź sänğäte üśeşkän. Virtuoz qumıźsılar Robert Zahretdinov, Miñleğäfür Zäynetdinovtarźıñ tap oşo rayonda tıuıp üśep, xäźer inde bötä donyağa dan qaźanıuı la şuğa dälil. Abruylı qunaqtar bıl yulı bahalausılar rätendä ine.

Miñleğäfür Zäynetdinov äyteüensä, qumıź donyanıñ etmeştän aşıu ilenä taralğan. Sığışı menän bıl uyın qoralı Hindostandan. Yaquttarźa ul töp muzıqa qoraldarınıñ berehe hanala häm ,,xomus,, tip atala. Başqortostan erlegendä tabılğan iñ boroñğo qumıź 8-se bıuatqa qaray, ul Salauat rayonı bilämähendä tabıla. Donyala äle bötähe 5 qumıź muzeyı bar, şularźıñ berehe Mäsetle rayonınıñ Äjekäy auılında. Töbäk tağı la ber tarixi üźensälekkä eyä. Tik bında ğına ağas qumıźźa uynağandar. Özläü źä başqort xalqı ösön traditsion sänğät hanala. Bıl turalağı täüge tarixi mäğlümättärźe 19-sı bıuatta Sergey Rıbaqov qağıźğa terkäy. Bäygeneñ töp büläge – gran–pri Mäsetle rayonınan oźaq yıldar mäźäniät ölkähendä eşläüse säñğät ośtahı Engels Ğäliäkbarovqa tapşırıldı. Qumıźsılar häm özläüselär bäygehe respubliqa kimälendä ütkärelgän berense bäyge. Kiläsäktä unı ike yılğa ber şulay uq Mäsetle erendä ütkäreü küźallana. Qumıź sänğäten artaban da üśteräm tihäñ, täü siratta muzıqa qoralı käräk, ti ośtalar. Bäyge siktärendä oşo mäsälä lä qaraldı. Fedorovqanan Ural Mullabaew qumıźźı zawodtarźa eteştereü buyınsa yañı texnoloğiya täqdim itte. Bıl täqdim bahalama ağzalarında la, bäygene oyoştorousılarźa la xuplau taptı. Kiläsäktä milli muzıqa qoralın Beloret metallurgiya zawodında eteştereü küźallana.

Kilähe miźgelde Salauat Yulaew xoqkey qomandahınıñ yañı binala qarşılarğa äźerlänä. Öfölä Boź Arenahın töźöü tulı qeüätkä bara. Yañıraq hıuıtqıs qorolmalar qaytarıla başlanı. Mayğa inde xoqkey arenahınıñ boźo äźer bulır tip kötölä. Başqortostan häm Räsäy berźämlegeneñ 450 yıllığı ayqanlı töźölgän Öfö Boź harayı yartılaş äźer, tip äytergä mömkin. Obekttı qorouğa bäyle eştär tamamlanğan. Finaslau häm töźölöş materialdarı menän totqarlıqtar yuq, ti bında eşläüselär.

Rämzit Äbüläev Öfö

XS
SM
MD
LG