Accessibility links

җомга, 9 декабрь 2016, Казан вакыты 08:40

Çallılar "Azatlıq"nı dawlıy


Azatlıq radiosın tıñlıy almağaç, näwmizlänep qalğan idem. Şulay da, yäş çaqlarnı iskä töşerep, qısqa dulqınlı radioalgıçımnı borğalıy torğaç, Azatlıq xäbärlären tıñlaw bäxetenä ireştem, yañadan dönya yañalıqların üzebezneñ tatar telendä işetä başladım dip xäbär itte Çallıda yäşäwçe Zaqir Lotfullin. Ä menä Azatlıqnıñ daimi tıñlawçısı bulğan Läylä Xucinağa qısqa dulqınnardan Azatlıqnı tıñlaw qıyınğaraq turı kilä, häm ul Yaña Ğasırdan tapşırularnı torğızu mäşäqäten cäyelderep cibärgän. Berençe itep Rusiä parlamentı räise urınbasarı Oleg Morozovnıñ Çallıdağı ştab-kvartirasına barğan. Anda Azatlıqnı torğızu turındağı üteneçne yazma räweştä alıp kilergä täqdim itkännär. Şulay bulğanda, üteneç Morozovqa barıp ireşäçäk ikän. Läylä Xucina "Spravedlivaya Rossiä" firqäseneñ Çallı bülegenä dä möräcäğät itkän. Anda da, şuşı firqä citäkçeläreneñ berse bulğan Räfgat Altıynbaev isemenä xat aşa çığarğa täqdim bulğan. Şulay itep, Läylä apa kebek keşelär tırışlığı belän "Yedinaya Rossiä" häm "Spravedlivaya Rossiä" firqälärendä dä Azatlıq xaqında beläçäklär. R.Kaşapov Çallı Tatar İctimaği Üzäge dä Tatarstan prezidentı M.Şäymiev isemenä möräcäğät yulladı. İctimaği Üzäk älege mäsäläne atnalıq cıyınğa çığardı. Bu xaqta Üzäk räise urınbasarı Gabdraxman Cäläletdinov bolay dide:

- Bu mäs'älädä şundıy fikergä kildek: Azatlıq radiosı buyınça prezidentıbız M.Şäymievqa möräcäğät itärgä buldıq. Aña bulğan täqdimnär mondıy:

1. Yaña Ğasır dulqınnarındağı Azatlıq tapşıruların yañadan torğızırğa

2. Tatarstan rayon-şähärlärendäge radiotranslyatorlar aşa "Azatlıq" tapşıruların birü mömkinlegen qararğa.

Şuşı täqdimnär cıyılışta bertawıştan qabul itelde. Ni öçen bu mäsäläne kütärep çıqtıq?

Çönki, "Azatlıq" tapşıruları tuqtalğaç, bezgä bik küp keşe möräcäğät itte.

İşetkänebezçä xalıq törle fikerlärgä, prezidentlarğa möräcäğät yullıy. Älbättä, alar cawap ta kötep qalalar.

Ğafiulla Ğazi, Çallı

XS
SM
MD
LG