Accessibility links

сишәмбе, 6 декабрь 2016, Казан вакыты 15:14

Räximov Putin belän oçraştı


6 mart Mäskäwdä Yaña Ogarevoda Vladimir Putin Mortaza Räximovnı qabul itte. Bu turıda zur bulmağan xäbärlärgä qarağanda, Başqortstan Prezidentı Putinnı respubliktağı iqtisadıy-sotsial häm Başqortstannıñ Rusiägä quşıluınıñ 450 yıllığına äzerlek eşläre barışı belän tanıştırğan. Söyläşü başqa temalarğa da barğan. Nindi temalar - anısı xaqında mäğlümat yuq. Räsmi bulmağan çığanaqlar anda respublikanıñ yağulıq-energetika tarmağı turında da süz baruın farazlıy. Xäbär itüebezçä, respublikanıñ eks-senatorı İzmestyev qulğa alınuı belän yağulıq tarmağında tikşerenülär bulğan ide. Federal salım xezmäte 43 milliard sum aqça tülätü turında qarar da çığardı. Ural Räximovtan baş proquratura "подписка о невыезде", yağni torğan ciren qaldırmaw turında imza alınuı belän ul xastaxanägä salınuı turında xäbärlär dä buldı. Räsmi bulmağan çığanaqlar Mortaza Räximov il Prezidentı belän oçraşuğa ulın qotqaru mäsäläsendä barğan dip farazlıy. "Azatlıq" xäbärçesenä şundıy fikerne berläşkän oppozitsiä başı Rämil Bignov ta belderde.

XS
SM
MD
LG