Accessibility links

пәнҗешәмбе, 8 декабрь 2016, Казан вакыты 11:05

8 Marttı bayram itäbeź


8-se mart- xalıq-ara qatın- qıźźar könöndä Öfölä säskä kibettäre yanında źur sirattar xasil buldı. Bayram mälendä säskä hatıusılar xaqtı baytaqqa arttırıuğa qaramaśtan, üźen İr-at tip iśäplägän eget aśıldarı göllämälärgä aqsa yällämäy. Xatta militsiya la güzäl zattarźı üźensälekle qotlanı. Bıl köndärźä Yul xäräkäte xäüefheźlege inspektorźarı rul artındağı qatın-qıźźarğa säskälär büläk itte. Sıbar tayaqtan qurqıp tuqtağan maşina yörötöüse xanımdar qimmätle bulmaha la, harı säskälär alıp qıuandı. Ni tihäñ dä Yul xäräkäten boźğan ösön ştrafqa qarağanda küñelleräk waqiğa. Äytkändäy, büläkteñ oloho la, kesehe lä bulmay. Azatlıq radiohı xäbärsehe bayram aldınan Öfö uramdarında xalıqtıñ fekeren beleşte. Bayramğa nindäy büläk äźerläyhegeź, nisek unı/bayramdı/ bildälärgä uylayhığıź, tip. Yauaptarźan küreneüensä, 8-se mart, ul täü siratta Äsälär bayramı. Ä büläkkä kilgändä, kemder hıuıtqıs haylağan, kemder yomşaq uyınsıq.

Ä bına İşembayźa yäşägän Räysä xanım ösön bıyılğı 8-se mart uğata iśtälekle. Äsä keşe 16 yıl kürmägän qıźı menän osraşa. Qasandır 5 yäşlek sabıyın ata keşe Üzbäkstanğa olota- öläsälärenä kürhätep kiläm tip alıp kitä häm başqa Räysä xanıma birmäy. Xäźer bäliğ bulğan qıź äsähe yanına qayta.

Räysä xanım nişläp oşoğa tiklem qıźığıź artınan barıp alıp qaytmanığıź huñ tigän horauğa irem miñä unı barıber birmäś ine. Şuğa sabıy küñelen yäräxätlämäś ösön artınan barmanım tip yauaplanı.

XS
SM
MD
LG