Accessibility links

Кайнар хәбәр

AQŞ generalı: ''Bağdadta iminlek urnaşturı eşläre berniçä ayga suzılaçaq''


Quşma Ştatlarınıñ Ğiraqtağı yaña xärbi citäkçese, General David Petraeus, gisyançılar xöcümnären arttırıp, Bağdadta iminlek urnaştıru niätleränä qarşı çığırğa tırışa, dip belderde. Çärşämbedä AQŞ Saqlanu ministrlığı, Petraeusnıñ sorawı belän, Bağdadqa östämä 2.200 xärbi cibärü qararın qabul itte. Häm bu ğamäl yüngä xätle suzılaçaq.

General Petraeus belderüwençä, AQŞ häm Ğiraq xärbiläreneñ Bağdad häm başqa töbäklärdä İminlek urnaştıru eşläre berniçä ay waqıt alaçaq. Ul şulay uq bu waqıt eçendä ğisyançılarnıñ zur kölämdä höcümnäre däwam itüwe ixtimal dip östäde.

Fivralda wazifağa kilgännäñ berle, berençe tapqır ütkärgän matbuğat oçraşuında General Petraeus, Bagdadta İmenlek urnaştıru çaralarınıñ berençe atnalarında, höcümnäreñ artuı turında belderde.

"Qızganıçqa qarşı, mondiy terorçıl törkemnär äle dä üzläreneñ waxşi-gamälläreñ däwam itterälär. Şuşı zur külämdä höcümnären arttırıp alar mäzhäp-ara nizaqlarnı köçäytergä, “Yaña İmenlek Planı” gamälgä kergänçe ük, anı yuq itergä tırışalar.

Berük waqıtta, Petraeus, soñgı atnalarda Bağdatta Mäzhäb-ara nizaqqa bäyle üterülärneñ, häm torğan urınnarınnan kitergä mäcbür bulğannarnıñ kimüen tanıdı.

AQŞ Saqlanu ministırlıgı 7nçe Martta, Bagdatqa östämä 2.200 gaskäri cibärergä qarar itte. Moña qädär anda 21.500 xärbi häm 2.400 yärdämçe xärbi inde cibärelgän ide.

Petraeus süzlärençä, Bağdadta iminlek uranştıru tırışlıqları tulı köçenä Yün ayında keräçäk:

"Ğiraq häm koalitsiä köçläre, Bagdadtagı tınıçlıqnı saqlaw çaralarına yärdämen köçäytä. Äle genä Bağdadqa 9 Ğiraq batalyonı häm 5 amerikan brigadası kerde. Bu köç arttırular Yün ayına qädär däwam itäçäk."

Petraus şunı da östäde, Ğiraqnı tözekländerü törkemnäre 10nañ 20gä citkereläçäk. Alar Bagdad häm Al Anbar wiläyätenä cibäreläçäk.
XS
SM
MD
LG