Accessibility links

шимбә, 10 декабрь 2016, Казан вакыты 19:45

İran Saqlanu ministrlığınıñ elekke räsmie qaya yuğalğan?


Dönya Matbuğatında inde bolay da yış qına igtibar üzägendä torgan İrannı, xäzer yaña borçu biläp aldı. Ütkän ay axırında Törkiyädä İrannıñ elekke Saqlanu Ministırı urınbasarı Alirıza Asğarin yuğalğan ide, anıñ yazmışı älegäçä haman da bilgesez bulıp qala, ul xätta urlanğan dip tä şiklänelä.

Dönya matbuğatında bu xaqta törle farazlar taratıluğa qaramastan, üzen tınıç totqan İran, diplomatik kanallar yärdemendä ezläweñ däwam itterä. Bu eşne İrannıñ yäşereñ xezmätläre genä tügel, Törkiyäneñ iminlek häm küzläw organnarı da alıp bara.

İran politsiäse başlıgı İsmail Ahmedi Moghadam 6-nçı Martta yasağan belderüendä, Asğarnıñ Könbatış küzläw xezmätläre tarafınnañ urlanu ixtimali bar dip äytkän ide. Ä başqa çıganaqlar pensioner generalnıñ üz teläge belän Könbatışqa eşli başlawı turında belderä. Pensiäga äle genä çıqqan 63 yäşdäge Asğarineñ yugaluı hiçşiksez anıñ elekke wazifasına bäyle bula ala. Asğari Moxammäd Xatami citäkçelegendäge xökümättä Saqlanu Ministrı urınbasarı wazifasın ütäp kilde häm anda ul 8 yıl eşlägän ide. Anıñ İrannıñ Milli İminlek programması turında häm ilneñ tönyaq Libandagı Xizbulla belän bäyläneşe xaqında şaqtıy mäğlümätkä iä bulıwı farazlana.

Londondağı jurnalist, Alireza Nourizadeh, pensioner general üzeneñ-säyäsättäge üseşe belän, elekke Saqlanu Minıstırı Ali Şamaxanigä burıçlı, ä anıñ kötelmägändä bu wazifannan kitüenisä, Prezident Mäxmüt AhmediNäcadqa bäyle dip belderä.

Ul İran belän Ğiraq sugışınnan soñ İrannıñ Libanğa cibärelgän yuğarı ähelläre arasında ide, ul anda İnqilap saqçıları köçläreñ citäkläde. Şul şaqta ul Reza Asaker isemeñ qullana ide. Admiral Ali Shamaxani belän mönäsäbäte häm Şämaxanineñ aña ışanıçı arqasında, ul Saqlanu Minıstrı Urınbasarı wazifasına kiterelde. Ahmedinecat hökümätkä kilüe belän bergä ul bu wazifadañ azat itelde, läkin anı kiñäşçe itep belgelägännär ide.

Alireza, 7 fevralda mäxsus vizit belän Törkiyä kilgän ide. Qunaqxägä urnaşıp 3 kön ütkäç, anıñ turında bötän xäbär bulmadı. Törek matbugatında anıñ yugaluı turında mäğlümätne 27nçe Fevral könne köndälek ‘Hürriyet’ gäcite beldergän ide. Amerikan ABC TVsendä çıqqan xäbärlärgä tayanıp yazılgan mäqalädä, İrannıñ iminlek programmaları turında möhim mäğlümätkä iä generalnıñ Avrupaga sıyınganı häm Tönyaq Yevrupa illärenneñ bersendä Amerikanıñ küzätüe astında buluı turında yazılıp çıqtı.

Dälillär citmäsä dä, farazlarga häm Nourizadeh süzlärenä qaraganda, Genaralnıñ bu yugaluı bik küp imeş-mimeşlär tudıra.

Atnakiç Quşma Ştatlarnıñ Washington Post basması, Alireza inde ğailäse belän Quşma Ştatlarda, ul amerikan küzläw xezmätlärenä Xizbulla häm anıñ İran belän bäyläneşläre turında mäğlümät birä, dip yazıp çıqtı.

Metin Karismaz
XS
SM
MD
LG