Accessibility links

Кайнар хәбәр

Qor’änne yattan uquçı qızlar arasında şähärküläm bäyge tämamlandı


Şimbä häm yäkşämbe könnärendä Qazanda Qor’änne yattan uquçı qızlar arasında şähärküläm bäyge ütkärelde. Bäygeneñ maqsatı - xatın-qızlar arasında Qor’än yattan öyränügä qızıqsınu uyatu häm İzge Kitapnıñ xikmätlären xalıqqa citkerü. Älege bäyge, Qazanda äle berençe tapqır ğına uzdırılsa da, islam däwlätlärendä ul daimi räweştä uzdırılıp kilä. Düşämbedä älege bäygeneñ ciñüçeläre bilgele buldı. “Ömmä” süräsen yattan söyläw” nominatsiäsendä Qazannıñ “Gosmaniä” urta möselman mäktäbe uquçısı Närgizä Röstämova berençe urınnı aldı. “29-30нчы sürälärne yattan söyläw” nominatsiäsedä Çallınıñ 64нче hönäri litsey uquçısı Aygöl Ğafiätullina, “28-29-30нчы sürälärne yattan söyläw” nominatsiäsendä Çallıdan İlsöyar Ğafiätullina ciñep çıqtı.

Yarışlarnıñ berençe könendä saylap alu turı ütkärelde: jyuri bäygedä qatnaşu öçen 25 iñ köçle Qor’än xafiznı saylap aldı. İkençe könne konkursantlarğa tağın da qatğıyraq taläplär quyıldı – bäygedä qatnaşuçılar Qor’änne äzerleksez kileş xökemdarlar kürsätkän urınnan başlap yattan söyläwne däwam itärgä tieşlär ide. Şunı äytergä kiräk, bäygedä qatnaşuçı iñ yäş qız bala - İjau şähärennän kilgän 5 yäşlek Ğayşä Şahiewa. Ul "Qor’änneñ 30 nçı öleşen yattan belü" nominatsiäsendä qatnaştı. Bu Ğayşä İzge Qor’änneñ 20 bitlek tekstın belä digän süz.

Gölnaz Şäyxetdin

XS
SM
MD
LG