Accessibility links

якшәмбе, 4 декабрь 2016, Казан вакыты 04:58

Samarda Ğaqil Säğirev kitabı turında fiker alıştılar


Üz ğömerenä ayaqları, qulları xäräkätsez qalğan Gakıyl' Säğıyrev ayaqlılar, qullılar öçen ruxi totrıqlıq ürnäge bulıp icat itüçe şäxes. Ğakıyl' Säğıyrev - öç töbäkneñ ğorurlığı. Tatarstanda tuğan, Samar ölkäsendä olığayğan, bügenge könnärdä Ul'yan ölkäsendä yäşi. Şağir, rässam. Karandaşın awızına qabıp räsem yasıy, şiğerlär yaza. Matbuğatta cidençe kitabı çıqtı, cıyentıqnıñ iseme – “Yöräk sere”.

Samar Duslıq yortında poeziä söyuçelär bu yulı cirle şağirlärne dä tıñladılar, Ğakıyl' Säğirevnıñ “Yöräk sere” isemle kitabı turında fikerlären dä ber- bersenä citkezdelär. Ädäbiät tügäräge citäkçese Färid Şiriäzdanov fikere:

“ Bik zarığıp kötkän kitap dönya kürde. Bu kitapnı qabat qaytıp- qaytıp uqıysıñ, icatı ber keşe ğömerenä sıymaslıq, Ğ.Säğirevneñ icatı ğäläm kiñlegen xäterlätä, tormış batırlığı härberebez öçen ürnäk.

Doşmannarım küp bulmasın öçen

Äyländerep baram duslarğa…

Bu yullar keşelek dönyasına deviz.”

Nurzidä xanım Fäyzullina menä inde 37 yıl buyına “.Säğirevneñ şiğerlären, äsärlären uqıp baruçı:

“ Yöräk sere” kitabı avtornıñ iñ yuğarı noqtası. Monda parçalar da bik küp. Bik küp dürtyullıqlar, ike poeması urın alğan. Avtornıñ yataqta ğömeren uzdıruın istä totsaq, tormışnıñ bar yağınnan xäbärdar buluı tañ qalırlıq”.

Şiğri mäclestä mäktäp uquçıları “.Säğıyrevneñ şiğerlären dä uqıp kürsättelär. Poeziä mäclesenä kilüçelär şağirneñ “Yöräk sere” isemle kitabın satıp alıp öylärenä dä alıp kittelär.

Şamil Bahautdin, Samar

XS
SM
MD
LG