Accessibility links

Кайнар хәбәр

Açıq mikrofon: “Sez üzegezneñ belgeçlek buyınça eşlisezme?”


Ser tügel, xäzerge zamanda yuğarı uqu yortın tämamlağan yäş belgeçlär yış qına üz belgeçlekläre buyınça eşkä urnaşa almıy. Çönki yuğarı uqu yortları sanı da arttı xäzer, belem birüneñ däräcäse dä qaysı waqıtnı ällä ni zur tügel. Şuña da kibettä satuçı bulıp eşläwçe diplomlı uqıtuçı, finansist, injenernı tabu qıyın tügel. Xäzer keşelär üzläreneñ belgeçlege buyınça eşlime, eşlämime, monıñ säbäpläre nidä – bügen bez qazanlılardan şuşı xaqta soraşırğa buldıq.

Sorawlarğa cawaplar mondıyraq buldı:

Xoquqçı KDU tämamladım. Yurist bulıp eşlim.

Min akuşer üzem hönärem buyınça. “Svyaznoy” kompaniesendä kassir bulıp eşlim. Bik oşıy. Aqçası da bik äybät. Biregä urnaşqanda öyrätälär. Xezmät xaqı bik känäğätländerä.

Min sel'xoztexnikum tämamladım. Min - Avtomexanik. Ufada uqıdım. Monda ölkän satuçı bulıp eşlim. Telefonnar satabız. Eşkä urnaşqanda uçebnıy sentrda öyrätälär.

Tatarstannıñ biznes institutında uqıdım yuridik fakul'tetın tämamladım. Xäzer monda satuçı- kiñäşçe bulıp eşlim. Xezmät xaqı äybät. İrtänge 9.00дан kiçke 19.00 ğa qadär eşlim. Ber ay uqıdım. Atnasına ike yal.

Rässamğa uqığan idem , xäzer oxrannnik bulıp eşlim. Mäskäw sänğat institutında uqıdım. Eşkä urnaştım da, öyränep tä tormadım. Şunda uq eşli başladım.

Min povar bulırğa uqığan idem , xäzer satuçı bulıp eşlim. 3 atna eşlim- 15.000 sum aqça alam.

Min üz hönärem buyınça şähärneñ balalar icat üzägendä vokal uqıtuçısı bulıp eşlim. Balalar belän eşläwe bik oşıy. Häm universitetta fortepiano däresläre biräm. Älegä ätilär yärdäm itä.

Hönärem buyınça ekonomist- menedjer bulam . Şunda uq eşlim filosofiä kafedrasında laborant bulıp. Aqçası älegä 1,500 sum- ber stavqa. Aqça citmi, tönlä çäçäklär satıp tordım. Ämma awır, tönlä eşläwe, ikençe könne irtän- irtük eşkä barası bulğaç. Xäzer diplom ğına sorıylar bit, yuğarı belemeñ barmı dip. Eşlibez uqır öçen. Aqçası yuq.

Minem zavodta eşlär öçen bik küp hönärlärem bar. Ämma çastnıy predprinimatel' bulıp eşlim. Üzem- stanoklar buyınça belemem bulsa da , zavodta aqça alıp bulmağanlıqtan, menä şundıy törle eşlär belän şögellänäm. Timer satam bazarda. Bik awır kütärelep kitärgä, yärdäm itüçe kiräk. Bik küp qınlıqlar tua salım tüläw buyınça da, häm başqalar buyınça da.

Mälikä Basıyr

XS
SM
MD
LG