Accessibility links

шимбә, 10 декабрь 2016, Казан вакыты 21:39

Bıl yulı Gazprom menän kileşeü qağıźźa ğına qalırmı?


Gazprom yämğiäte etäksehe Aleksey Miller Başqortostandı strategik partner tip atay häm unıñ inwestitsiyalar yälep iteü ösön uñaylı töbäk bulıuın bildäläy. «Gazprom» Başqortostandağı ğaz seltärźären yañırtıu häm töźökländereügä bıyıl 500 million hum külämendä inwestitsiya yälep itergä niätläy. Yämğiät idaralığı räyese Aleksey Miller Başqortostan prezidentı Mortaza Ğöbäyźulla ulı Räximov menän osraşıuźa şulay tip belderźe. Huñınan Başqortostan menän Gazprom yämğiäte arahında neft ximiyahı ölkähendä xeźmättäşlek turahındağı kileşeügä qul quyıldı. Xeźmättäşlek ike yaq ösön dä uñaylı. Äytäyek, Başqortostan ,,Gazprom,, yämğiäte menän xeźmättäşlek höźömtähendä ğaz ütkäreüźe 95 protsentqa etkerergä niätläy. Timäk, yaqın arala respubliqala xatta töpköldäge auıldar źa ğaz menän fayźalana başlayasaq. Başqortostanda älegä ğaz ütkäreü küläme 78 protsentqa ütälgän. Bıl Räsäyźäge iñ yaqşı kürhätkestärźeñ berehe. İke aralağı xeźmättäşlek turahındağı kileşeü ihä xeźmättäşlekte yañı kimälgä sığarırğa mömkinlek birä. Kileşeü biş yılğa iśäplängän. Huñınan ul yañırtılıp barasaq. Äle Gazprom yämğiäte Başqortostanğa zäñgär yağıulıqtı yıldan–yıl küberäk bülä. Bıl üź siratında töbäktäge ere sänäğät obekttarınıñ eteştereü qeüättären arttırıu mömkinlegen birä. Gazprom yämğiäte tarafınan töbäktärźe ğaz menän tämin iteüse stantsiyaların yañırtıu säyäsäte lä alıp barıla. ‡tkän yıl Respubliqalağı ğaz seltärźären töźökländereügä yämğiät tarafınan 65 million hum aqsa bülengän. Bıyıl häm yaqın kiläsäktä bıl han küpkä artasaq, tip bildälände kileşeügä qul quyıu tantanahında.,,Salauatnefteorgsintez,, yämğiäten Başqortostan menän Gazprom arahındağı xeźmättäşlekteñ uñışlı ölgöhö tip bildälärgä mömkin. RBK Deyli ağentlığı yaźıuınsa, tiźźän ğaz qontsernınıñ Salauatnefteorgsintez şirqäten hatıp alıuı ixtimal. Miller Mortaza Räximov menän osraşıuźa hatıp alıuźıñ anıq könön dä bildälägän. Belgestär Salauatnefteorgsintezdıñ xaqın 19 milliard humğa bahalay häm unıñ şunsama xaqqa hatılıuı la ixtimal. Osraşıuźa şulay uq Stärletamaqtıñ Kauçuğı turahında la hüź barğan. Gazprom unı la qulına törşörörgä niätläy. Mortaza räximov menän millerźıñ osraşıuında bildäläneüensä, Gazprom yämğiäte Başqortostandağı başqa şirqättärźe lä töźökländereü häm yañırtıu eşendä äüźem qatnaşırğa niätläy. Eşlekle xäbärźär saxifähe ihä ike aralağı kileşeüźärźeñ ütäleüendä şik belderä. Gazprom menän Başqortostan arahında bığa tiklem dä źur plandar qoroldo, ular ğäźättä öźölä kilde, bıl kileşeüźärźeñ dä qağıźźa ğına qalıuı ixtimal tişägän şik belderä Eşlekle xäbärźär säxifähe.

Rämzit Äbüläev,Öfö

XS
SM
MD
LG