Accessibility links

Кайнар хәбәр

Möxämmät Äl-Baradei Pxenyanda awır söyläşülär ütkärä


Berläşkän Millätlärneñ Atom İdaräse başlığı Möxämmäd Äl-Baradey bügen Tönyaq Koreyanıñ Atom Programmasın ğamäldäñ çıgaru turında söyläşülär öçen Pxenyanğa kilde. Ul Tönyaq Korea wäkelläre belän xalıqara atom tikşerüçeläre arasında xezmättäşlekne yañartu ömeten belderde. Quşma Ştatlar Pxenyannı yäşeren räweştä uran bayıtuda ğäyeplägännän soñ, Tönyaq Korea 4 yıl elek tikşerüçelärne ildän quıp çıgarğan ide.

Qıtaydañ Pyongyong’a taba säfärgä çıqqanda Äl-Baraday, söyläşülärneñ uñışlı bulaçağına ömet belderde:

Berniçä yıl elek aralar suınğannañ soñ, bez Tönyaq Korea belän yaqınraq eş alıp barırga häm 6 yaqlı kileşülärne ğämälgä quyu yulların tabırga tiyeşbez, dide äl-Baraday.

Uzğan ayda Pekindä 6 il: Qıtay, Yaponiä, AQŞ, ike Koreya häm Rusiä qatnaşında ütkän oçraşuda Tönyaq Korea, yärdäm bäräbärenä, üzeneñ Yongbyon atom reaktorın 60 kön eçendä möherläp yabırğa rizalaşqan ide.

Äl-Baradaye bu säfäreneñ berençe möhim adım buuına ömetlänüen äytte:

Min bu oçraşu 6 yaqlı kileşülärne ğämälgä quyuda ähämiälte çara bulır dip uylıym, digän ide xalıqara atom energiäse idaräseneñ citäkçese.

Äl Baraday süzlärençä, Tönyaq Koreanıñ tiz arada qoralsızlanuına ömetlär ällä ni zur tügel. Şulay da, Pyongyang xökümäte belän mönäsäbätlärne yaxşırtu bik otışlı adım, ike arada ışanıçnı qaytaru öçen äle küp eşlärgä kiräk bulaçaq, di äl-Baraday.

Äl-Baradäy Pekinğa çärşämbedä qaytır dip kötelä. Kiläse düşämbe Qıtay başqalasında 6 yaqlı söyläşülär däwam ittereläçäk.

Quşma Ştatlar däwlät departamentı belderüençä, Waşıñtonnıñ bu söyläşülärdäge wäkile Kristofer Hill Pekinga berniçä kön aldan kilep söyläşülärgä qädär Äl Baradäy belän ayırım oçraşaçaq.

Yongbyon atom reaktorın yapqannañ soñ Tönyaq Korea 50 meñ tonna yagulıq yaki şuña täñgäl külämdä iqtisadi yärdem alaçaq.

Ä inde barlıq atom qorılmaların ğämäldän çığarğannan soñ Tönyaq Koreagä bireläçäk yağulıq küläme 950 meñ tonnağa, yaki aña yänä şuña täñgäl iqtisadi yärdem kürsäteläçäk.
XS
SM
MD
LG